ચિંતાજનક / કોરોનાનું 'કેપિટલ' બન્યું દિલ્હી, કેસના આંકડાથી હાહાકાર અને મોતની સંખ્યા 100ને પાર

• કોરોનાના આંકડાથી દિલ્હી સરકાર ચિંતિત 
• કેજરીવાલ સરકાર દ્વારા વિકેન્ડ કર્ફ્યૂનો નિર્ણય લેવાયો 
• જૂન મહિના પછી સૌથી હાઈએસ્ટ પોઝિટીવીટી રેટ 

દેશની રાજધાની દિલ્હીમાં કોરોના કેસ સતત વધી રહ્યા છે. છેલ્લા 24 કલાકમાં, દિલ્હીમાં કોરોનાના 16699 નવા કેસ નોંધાયા છે. આ સાથે, 112 દર્દીઓ પણ મૃત્યુ પામ્યા છે, જે ગયા વર્ષે 23 નવેમ્બર પછીનો સૌથી મોટો આંકડો છે. 23 નવેમ્બરના રોજ, 1 દિવસમાં 121 દર્દીઓ મૃત્યુ પામ્યા.

दिल्ली में पिछले 24 घंटों में 16,699 नए #COVID19 मामले, 112 मौतें और 13,014 रिकवरी दर्ज़ की गई हैं।

सक्रिय मामले: 54,309
कुल मामले: 7,84,137
कुल रिकवरी: 7,18,176
मृत्यु: 11,652 pic.twitter.com/ZPTrFCGBYO

— ANI_HindiNews (@AHindinews) April 15, 2021

સક્રિય દર્દીઓની સંખ્યા 54 હજારને પાર પહોંચી ગઈ છે 

આ સિવાય છેલ્લા 24 કલાકમાં દિલ્હીનો પોઝિટિવિટી રેટ 20 ટકાને વટાવી ગયો છે, જે ગયા વર્ષે જૂન મહિના પછીનો સૌથી વધુ છે. તે જ સમયે, સક્રિય દર્દીઓની સંખ્યા 54,000થી પણ વધુ થઈ ગઈ છે, જે અત્યાર સુધીની સૌથી વધુ છે. આ સાથે, રિકવરી રેટ 91.58 ટકા, એક્ટિવ કેસ 6.92 ટકા, મૃત્યુ દર 1.49 ટકા છે.

દિલ્હીમાં કોરોના કેસની કુલ સંખ્યા છેલ્લા 24 કલાકમાં 16,699 નવા કેસ સાથે વધીને 7,84,137 થઈ ગઈ છે. તે જ સમયે, છેલ્લા 24 કલાકમાં 13,014 દર્દીઓ સાજા થયા છે, અને અત્યાર સુધીમાં કુલ રિકવર થયેલા દર્દીઓની સંખ્યા વધીને 7,18,176 થઈ ગઈ છે. ઉપરાંત, છેલ્લા 24 કલાકમાં 112 લોકોનાં મોત સાથે, દિલ્હીમાં મૃત્યુઆંક વધીને 11,652 પર પહોંચી ગયો છે. આ સિવાય છેલ્લા 24 કલાકમાં દિલ્હીમાં 82,569 સેમ્પલનું ટેસ્ટિંગ લેવામાં આવ્યા છે, જે પછી દિલ્હીમાં કુલ પરીક્ષણોની સંખ્યા અત્યાર સુધીમાં 1,59,44,203 રહી છે.

દિલ્હીમાં લાગશે વીકેન્ડ કર્ફ્યૂ 

દરમિયાન, દિલ્હી સરકારે વિકેન્ડ લોકડાઉન લાદવાનો નિર્ણય લીધો છે. આ કર્ફ્યુ શુક્રવારે રાત્રે 10 વાગ્યે શરૂ થશે અને સોમવારે સવારે 6 વાગ્યા સુધી ચાલશે. મોલ, જિમ જેવા બધા સ્થળો સપ્તાહના અંતમાં લોકડાઉન દરમિયાન બંધ રહેશે. સરકારે લોકોને કેટલીક સુવિધા પણ આપી છે, જે લોકો કર્ફ્યુ દરમિયાન જરૂરી કામ કરશે તેમને કર્ફ્યુ પાસ આપવામાં આવશે.