કરૂણાંતિકા / સુરતમાં 11 વર્ષની બાળકી સાથે દુષ્કર્મનો બનાવ, હોસ્પિટલમાં સારવાર દરમિયાન તેનું કરૂણ મોત

• સુરતમાં 11 વર્ષની બાળકી સાથે દુષ્કર્મ 
• સારવાર દરમિયાન બાળકીનું કરૂણ મોત
• બનાવને કારણે લોકોમાં રોષનો માહોલ 

સુરતમાં વધતી જતી ગુનાખોરી હવે એક ચિંતાનો પ્રશ્ન બન્યો છે. ખાસ કરીને ગ્રીષ્મા વેકરિયાની સરાજાહેર થયેલી હત્યા બાદ સુરત ઘણું ચર્ચામાં છે. અહીયા જે રીતે ક્રાઈમનો ગ્રાફ વધી રહ્યો છે. તે આપણા સમાજ માટે એક ગંભીર વિષય બન્યો છે. ત્યારે વધુમાં ફરી અહિયા એક આવવોજ બનાવ સામે આવ્યો છે જેના કારણે હડકંપ મચી ઉઠ્યો છે. 

લોકોમાં રોષનો માહોલ 

શહેરના કામરેજમાં વિસ્તાારમાં એક 11 વર્ષની બાળકી સાથે દુષ્કર્મનો બનાવ સામે આવ્યો છે. જેના કારણે આસપાસના વિસ્તારમાં ચકચાક મચી જવા પામી છે. સાથેજ લોકોમાં પણ રોષનો માહોલ જોવા મળી રહ્યો છે. જોળવામાં આવેલ એક બિલ્ડીંગમાં આ બાળકીને લઈ જઈને આરોપીએ તેની સાથે દુષ્કર્મ આચર્યુ હતું. 

સારવાર દરમિયાન બાળકીનું મોત 

ઘટનાને કારણે બાળકીને સારવાર માટે હોસ્પિટલ ખસેડવામાં આવી હતી. પરંતુ સારવાર દરમિયાન બાળકીનું મોત નિપજ્યું છે. જેથી આ ઘટનાને લઈને LCB અને SOGની ટીમ પણ દોડતી થઈ ગઈ છે અને આરોપીને શોધવા પોલીસ પણ દોડતી થઈ ગઈ છે. 

ઈન્ચાર્જ પોલીસ વડા હોસ્પિટલ પહોચ્યા 

ઉલ્લેખનીય છે કે ઘટનાની જાણ તથજા નવસારી જિલ્લાના ઈન્ચાર્જ પોલીસ વડા પણ હોસ્પિટલ પહોચ્યા હતા. ઘટનાને લઈને પોલીસે કાયદેસરની કાર્યવાહી હાથ ધરી છે સાથેજ આરોપીને ઝડપી પાડવા માટે પોલીસે તેના તપાસના ચક્રો ગતિમાન કર્યા છે. પરંતુ બનાવને કારણે લોકોમાં હવે રોષનો માહોલ જોવા મળી રહ્યો છે.