નિર્ણય / ચારધામ યાત્રામાં અત્યાર સુધીમાં 101 લોકોએ ગુમાવ્યો જીવ, આખરે તંત્રએ શ્રદ્ધાળુઓનાં હિતમાં લેવો પડ્યો આ નિર્ણય

• ચારધામ યાત્રામાં શ્રદ્ધાળુઓના મોતનો આંકડો 100ને પાર
• કેદારનાથ ધામમાં સૌથી વધુ શ્રદ્ધાળુઓના મોત
• ઓક્સિજનની અછત અને ઠંડીના કારણે સતત મૃત્યુ

ચારધામ યાત્રાના દરમિયાન 100થી વધુ તીર્થયાત્રિકોના મોત બાદ ઉત્તરાખંડ સરકારે મોટો નિર્ણય લીધો છે. હવે 50 વર્ષથી વધુ ઉંમરના લોકોને યાત્રા કરતાં પહેલા મેડિકલ ચેકઅપની પ્રક્રિયાથી પાસાર થવું પડશે. ઉત્તરાખંડ સ્વાસ્થ્ય વિભાગાના જણાવ્યા અનુસાર યાત્રા 101 તીર્થયાત્રિકોનું મોત નીપજ્યું છે. જેમાં કેદારનાથમાં 49, બદ્રીનાથમાં 20 અને ગંગોત્રીમાં 7 અને યમુનોત્રીમાં 25 લોકોનો સમાવેશ થાય છે. 

ચારધામ યાત્રામાં શ્રદ્વાળુઓના મૃત્યુનો આંક 100ની પાર પહોંચ્યો

ચારધામ યાત્રામાં શ્રદ્ધાળુઓના મૃત્યુનો આંકડો 100ને વટાવી ગયો છે.કેદારનાથ ધામમાં અત્યાર સુધીમાં સૌથી વધુ 50 શ્રદ્ધાળુઓના મોત થયા છે. ઊંચાઈવાળા વિસ્તારોમાં ઓક્સિજનની અછત અને ઠંડીના કારણે અચાનક કાર્ડિયાક અરેસ્ટ થવાના કારણે મુસાફરો સતત મૃત્યુ પામી રહ્યા છે. આ વખતે ચારધામ યાત્રા 3 મેથી શરૂ થઈ છે.27 દિવસની યાત્રામાં ચાર ધામમાં અત્યાર સુધીમાં 102 યાત્રિકોના મોત થયા છે.રવિવારે જ ત્રણ શ્રદ્ધાળુઓના મોત થયા છે.મૃત્યુને રોકવા માટે આરોગ્ય વિભાગ દ્વારા 50 વર્ષથી વધુ ઉંમરના મુસાફરોની આરોગ્ય તપાસ કરવામાં આવી રહી છે.

અત્યાર સુધીમાં 57 હજાર મુસાફરોની ઓપીડી કરાઈ 

જે મુસાફરોને સ્વાસ્થ્ય સમસ્યાઓ છે તેમને મુસાફરી ન કરવાની સલાહ આપવામાં આવી રહી છે. ચાર ધામોના યાત્રાધામોના માર્ગો પર સ્થાપિત તબીબી રાહત કેન્દ્રો પર અત્યાર સુધીમાં 50 વર્ષથી વધુ વયના 5500 થી વધુ લોકોની આરોગ્ય તપાસ કરવામાં આવી છે. જ્યારે આરોગ્ય કેન્દ્રોમાં 57 હજાર મુસાફરોની ઓપીડી કરવામાં આવી છે.

ઓક્સિજનની અછત અને ઠંડીના કારણે સતત મૃત્યુ

ઊંચાઈવાળા વિસ્તારોમાં હાઈપોથર્મિયા અને ઠંડીને કારણે ઓક્સિજનની અછતને કારણે સ્વાસ્થ્ય સમસ્યાઓ વધી રહી છે.ચારેય ધામોમાં આરોગ્ય સેવાઓ વધુ સારી છે.મુસાફરીના માર્ગો પરના તબીબી રાહત કેન્દ્રો અને આરોગ્ય કેન્દ્રોમાં પૂરતા ડોકટરો, દવાઓ અને ઓક્સિજનની સુવિધા ઉપલબ્ધ છે.યાત્રિકોની તબિયત તપાસ્યા બાદ મુસાફરી કરવાની સલાહ આપવામાં આવી રહી છે.