IIFA Awards 2023 / આઇફા એવોર્ડ્સમાં રહ્યો આ ફિલ્મનો દબદબો, જાણો કઈ ફિલ્મને મળ્યો કયો એવોર્ડ?

• આબુ ધાબીમાં IIFA એવોર્ડ 2023 ને લઈને જશન
•  ગંગુબાઈ કાઠીયાવાડીએ ત્રણ ટેકનિકલ એવોર્ડ 
• IIFA ની આબુધાબીના યાસાઇલેન્ડ નજીક 23મી એડિશન

આબુ ધાબીમાં IIFA એવોર્ડ 2023 ને લઈને જશન શરૂ થઈ ગયો છે. જેમાં આલિયા ભટ્ટની ફિલ્મ ગંગુબાઈ કાઠીયાવાડીએ ત્રણ ટેકનિકલ એવોર્ડ પોતાને નામે કર્યા હતા. મહત્વનું છે કે IIFA એવોર્ડને લઈને અમુક કલાકારોમાં ખુશી તો અમુક કલાકારોમાં ગમનો માહોલ જોવા મળી રહ્યો છે. જેમાં સંજય લીલા ભણસાલી દ્વારા ડાયરેક્ટર કરાયેલી ફિલ્મ ગંગુબાઈ કાઠીયાવાડીએ 3 ઓવોર્ડ જીત્યા છે. આ ફિલ્મને સુદીપ ચેટરજી દ્વારા સિનેમેટોગ્રાફી, પ્રકાશ કાપડિયા દ્વારા સંવાદ માટે એવોર્ડ મળ્યા છે. મહત્વનું છે કે IIFA ની આબુધાબીના યાસાઇલેન્ડ નજીક 23મી એડિશન શરૂ થઈ હતી.

અનેક ફિલ્મને મળ્યા એવોર્ડ્સ

આમ ગંગુબાઈ કાઠીયાવાડીની સિદ્ધિ બાદ અનિશ બજમી દ્વારા ડાયરેક્શન કરવામાં આવેલી કાર્તિક આર્યન અને કિયારા અડવાણીની કોમેડી ફિલ્મ ભૂલ ભૂલૈયા 2ને પણ સફળતા મળી છે અને ભૂલ ભૂલૈયા-2 ટાઈટલ ટ્રેકમાં બેસ્ટ સાઉન્ડ ડિઝાઇન માટે મંદાર કુલકર્ણીએ કોરિયોગ્રાફી માટે બોસ્કો સિઝરનો એવોર્ડ અપાયો છે. તેમજ અજય દેવગનની 'દ્રશ્યમ 2' અને  રણબીર કપૂર તથા આલિયા ભટ્ટની એક્શન એડવેન્ચર 'બ્રહ્માસ્ત્રઃ પાર્ટ વન-શિવા'ને પણ એવોર્ડ મળ્યા હતા. વધુમાં હૃતિક રોશન અને સૈફ અલી ખાનની 'વિક્રમ વેધા' અને રાજકુમાર રાવ, હુમા કુરેશી અને રાધિકા આપ્ટે અભિનીત 'મોનિકા ઓ માય ડાર્લિંગ'ને પણ એવોર્ડ મળ્યા હતા.

સિતારાઓની હાજરીએ ચાર ચાંદ લગાવ્યા

એવોર્ડ શોમાં સંગીત કાર્યક્રમની શરૂઆત પલક મુછલના ડાન્સ પરફોર્મન્સથી થઈ હતી. બાદમાં ફરાહ ખાને ડાન્સ કર્યો તો રાજકુમાર રાવે 'મેં હૂં ના' ગીત વગાડતા ડાન્સ કર્યો હતો. વધુમાં જેકલીન ફર્નાન્ડીઝ, રકુલ પ્રીત સિંહ અને નોરા ફતેહ સહિતનાઓએ પ્રદર્શન કર્યું હતું. જેમાં અમિત ત્રિવેદી, બાદશાહ, સુનિધિ ચૌહાણ, સુખબીર સિંહ, પલક મુછલ અને યુલિયા વંતુરની હાજરીએ ચાર ચાંદ લાગ્યા હતા.