ના હોય / ટાટા 15 લાખની કાર આપે છે ભાડા પર, પણ મહિનાનું ભાડું જાણીને નિરાશ થશો

• ટાટા 15 લાખની ગાડી આપે છે ભાડે
• ટાટા નેક્સન ઇવી ગાડી ભાડે આપશે
• સબસ્ક્રિપ્શન પ્લાન સાંભળીને થશો નિરાશ

કંપનીનુ કહેવુ છે કે, આ ગાડી તે ગ્રાહકો માટે લાભદાયી છે કે જે થોડો સમય શહેરમાં રહેશે અને જેમને ગાડીની જરૂર પડવાની છે. તેઓ ઓછા સમય માટે ગાડી ખરીદવા નહી ઇચ્છે માટે આ પ્લાન તેમના માટે ફાયદાકારક રહેશે. 

કંપનીએ હાલમાં 18 મહિના, 24 મહિના અને 36 મહિના માટે સબસ્ક્રિપ્શન પ્લાન લોન્ચ કર્યો છે. જો ગ્રાહક 18 મહિના માટે ટાટા નેક્સનને ભાડા પર લેવા માંગો છો તો તમારે દર મહિને 47,900 રૂપિયાનુ પેમેન્ટ કરવુ પડશે. 

24 મહિનાનુ સબસ્ક્રિપ્શન લો છો તો દર મહિને 44,900 અને 36 મહિના માટે લો છો તો 41,900 રૂપિયા ભાડુ ચુકવવુ પડશે. સબસ્ક્રિપ્શન પત્યા બાદ ગ્રાહક પ્લાન વધારી શકે છે અથવા ગાડી પાછી આપી શકે છે. 

કંપનીનુ કહેવુ છે કે, આ સબસ્ક્રિપ્શન સ્કિમ હેઠળ ઇલેક્ટ્રીક કારની રિચ વધશે અને તેની માર્કેટમાં ડિમાન્ડ પણ વધશે. આ ગાડીનુ ભાડુ આપ્યા બાદ ગ્રાહકોએ અન્ય કોઇ જ પ્રકારના પૈસા આપવાની જરૂર નહી રહે, માત્ર ચાર્જ કરો અને ગાડી ચલાવો. 

ટાટાની આ ગાડી એક વાર ફૂલ ચાર્જ કરી લો તો 312 કિમી ચાલી શકે છે. આમા 30.2kwhની લિથિયમ બેટરી છે. આા બેટરી 8 કલાકમાં ફૂલ ચાર્જ થઇ જાય છે. જ્યારે ફાસ્ટ ચાર્જર દ્વારા 60 મિનીટમાં 80 ટકા બેટરી ચાર્જ કરે છે. 

સ્પીડની જો વાત કરવામાં આવે તો આ ગાડી 9.9 સેકન્ડમાં 0-100 કીમીની સ્પીડ પકડી શકે છે. આ ગાડીની દિલ્હી શૉરૂમમાં કિંમત 13.99 લાખ રૂપિયા છે. 

ટાટા મોટર્સનો આ પ્લાન હાલ પૂરતો દેશના 5 રાજ્યોમાં ઉપલબ્ધ છે. દિલ્હી, મુંબઇ, પૂણે, હૈદરાબાદ અને બેંગ્લોર સામેલ છે.