બિઝનેસમેન પિતાએ ઈન્સ્ટાગ્રામ એકાઉન્ટ ડિલિટ કર્યુ તો 13 વર્ષની દીકરી ઘર છોડીને નાસી ગઇ. તે 20 દિવસ પહેલાં જ ઈન્સ્ટાગ્રામ પર મિત્ર બનેલા યુવકને મળવા માટે રવિવારે સાંજે જતી રહી. યુવતી મમ્મીના મોબાઈલમાંથી ચેટ કરતી હતી, તેથી પપ્પાએ ફોનમાંથી ઈન્સ્ટા જ ડિલીટ કરી નાખ્યુ.
20 દિવસ પહેલા જ બન્યો હતો મિત્ર, યુવકને મળવા માટે છોડ્યુ ઘર
સગીરા ઘર છોડીને ભાગતા પરિવારજનો થયા પરેશાન
સગીરા ઘરે પરત ન ફરી તો પરિવારના લોકો પરેશાન થયા. તેમને જયપુરના વિદ્યાધર પોલીસ સ્ટેશનમાં ફરિયાદ કરી. આ ઘટના વિસ્તારના સેક્ટર 8ની છે. બાળકીની શોધખોળમાં પોલીસ ટીમ મોકલવામાં આવી, પરંતુ કોઈ ભાળ ન મળી. સગીરા 8માં ધોરણમાં ભણે છે અને સોશિયલ મીડિયામાં ઘણી જ સક્રિય રહે છે. અંતે પોલીસે પરિવારના મોબાઈલ નંબરની કોલ ડિટેઈલ કઢાવી. બાળકી પોતાની દાદીનો ફોન લઈને ભાગી હતી, તે ફોનમાં માત્ર ઈનકમિંગ જ હતું. પોલીસે કોલ ટ્રેસિંગની મદદથી લોકેશન કાઢ્યું તો ખબર પડી કે સગીરા અજમેરમાં છે. જયપુર પોલીસે અજમેર પોલીસને જાણ કરી ત્યાં સુધીમાં સગીરા ત્યાંથી પણ નીકળી ગઈ હતી.
બસમાં સૂઈ ગઈ હતી બાળકી
વિદ્યાધર નગર પોલીસ સ્ટેશનના SHO વિરેન્દ્ર કુરીલે પોલીસ ટીમને બ્યાવર તરફ રવાના કરી. બ્યાવરમાં શોધખોળ દરમ્યાન બાળકી એક રોડવેઝ બસમાં સૂઈ ગઈ હતી. ત્યાંથી બાળકીને લઇને પોલીસે સકુશળ પરિવારને સોંપી છે. પિતાને ખબર પડી ગઈ હતી કે દીકરી મોબાઈલ પર કોઈની સાથે વાત કરે છે. તેથી ઈન્સ્ટાગ્રામ ડિલીટ કરી દીધું હતું. જેનાથી દીકરી નારાજ થઇ અને તે જ સોશિયલ મીડિયા ફ્રેન્ડને મળવા ઘરેથી નાસી ગઇ, જેની સાથે તે ઈન્સ્ટાગ્રામ પર વાત કરતી હતી.