ટેક્નોલોજી / મોબાઈલ ધારકો માટે સરસ સુવિધા: હવે એક જ મોબાઇલમાં બે વોટ્સએપ એકાઉન્ટ આ રીતે ચલાવો

મેસેજિંગ એપ વોટ્સએપ વિશે વાત કરવામાં આવે તો તે મોબાઇલ નંબરથી ઓપરેટ થાય છે. પરંતુ, સેમસંગ અને હુઆવે સહિતની કેટલીક કંપનીના મોબાઇલ ડ્યુઅલ મોડ ફિચર સાથે આવે છે. આ ફિચરનો ઉપયોગ કરીને  બે અલગ અલગ નંબરો સાથે વોટ્સએપ ચલાવી શકે છે.

ડ્યુઅલ ફીચર એપ્લિકેશન નો ઉપયોગ કરવા માટે, મોબાઇલ સેટિંગ્સ પર જઇને પહેલા ડ્યુઅલ એપ્લિકેશંસ સેટિંગ્સ ઓપન કરો. તે પછી તમારે વોટ્સએપનું ડુપ્લિકેટ બનાવવું પડશે. વોટ્સએપ સિલેકટ કર્યા પછી, ફોનની હોમ સ્ક્રીન પર જાઓ અને એપ લોન્ચર પરના અન્ય વોટ્સએપ પર ક્લિક કરો. હવે બીજા નંબર પરથી ચેટ કરી શકાય છે.

ઘણા મોબાઇલ યુઝર્સ એક સર્વિસ માટે અલગ અલગ એકાઉન્ટ બનાવે છે, જેથી તેઓ એક જ સમયે બે નંબર સાથે ચેટ કરી શકે છે. ગૂગલ પ્લે સ્ટોર પર પણ વોટ્સએપ માટે ઘણી એપ્સ છે, જેના દ્વારા બે અલગ અલગ એકાઉન્ટ્સ ચલાવી શકાય છે. જો તમે પણ બે નંબર સાથે વોટ્સએપ ચલાવવા માંગતા હો, તો તમારે પ્લે સ્ટોરથી પેરેલલ સ્પેસ, એપ ક્લોનર, મલ્ટીપલ એકાઉન્ટ્સ, મલ્ટિ ડ્યુઅલ સ્પેસ અને સુપર ક્લોન પ્રો એપ ડાઉનલોડ કરવી પડશે.