રાજકારણ / કેન્દ્રીય મંત્રી બનતા જ જ્યોતિરાદિત્ય સિંધિયાનું ફેસબુક એકાઉન્ટ હેક, કોંગ્રેસના વખાણ કરતો જુનો વીડિયો કરાયો પોસ્ટ

• જ્યોતિરાદિત્ય સિંધીયાનું ફેસબુક એકાઉન્ટ હેક 
• રાત્રે 12.23 વાગ્યે એકાઉન્ટ થયું હતું હેક 
• 4 મીનીટમાં સિંધીયાની ટીમે એકાઉન્ટ રિકવર કર્યુ

જ્યોતિરાદિત્ય સિંધીંયાએ હજુતો કેન્દ્રીય મંત્રી તરીકે શપથ લીધે 24 કલાક પણ નહોતા થયા. ત્યાજ કઈક એવું થયું કે લોકો હેરાનગતીમાં મુકાઈ ગયા હતા. શપથ લિધા બાદ અજ્ઞાત વ્યક્તિ દ્વારા તેમનું ફેસબુક એકાઉન્ટ હેક કરી લેવામાં આવ્યું હતું. અને હેકરે તેમના એકાઉન્ટ પર અમુક જૂના વીડિયો અપલોડ કર્યા હતા. 

સિંધીયાની ટીમે એકાઉન્ટ રિકવર કર્યું 

જે વીડિયો હેકરે અપલોડ કર્યા હતા તે વીડિયો સિંધીયા જ્યારે કોંગ્રેસમાં નેતા હતા તે સમયના હતા. જોકે સિંધીયાની ટીમ દ્વારા એકાઉન્ટને થોડાકજ સમયમાં રીકવર કરી લેવામાં આવ્યું હતું. તેઓ અત્યાર સુધી રાજ્યસભાના સદસ્ય હતા. પરંતુ ગઈકાલેજ તેમણે કેન્દ્રીય મંત્રી તરીકે શપથ લીધી હતી. 

રાત્રે 12.23 વાગ્યે એકાઉન્ટ થયું હતું હેક 

રાત્રીના લગભગ 12.23 વાગે તેમનું ફેસબુક એકાઉન્ટ હેક કરવામાં આવ્યું હતું. બાદમાં હેકરોએ તેઓ જ્યારે કોંગ્રેસમાં હતા તે સમયના વીડિયો અપલોડ કર્યા હતા. જોકે વીડિયો અપલોડ થયા બાદ સિંધીયાની ટીમં એક્ટિવ થઈ ગઈ અને તેમણે ગણતરીની મીનીટોમાં એકાઉન્ટને રિકવર કરી લીધું હતું. 

4 મીનીટમાં એકાઉન્ટ રિકવર 

ઉલ્લેખનીય છે કે જેણે પણ કેન્દ્રીય મંત્રી જ્યોતિરાદિત્ય સિંધીયાનું એકાઉન્ટ હેક કર્યું હતું તે વધારે સમય સુધી તે એકાઉન્ટને યુઝ ન કરી શક્યો. કુલ 4 મીનીટ જેટલો સમયગાળામાં હેકરના હાથમા એકાઉન્ટ આવ્યું હતું. પરંતુ સિંધીયાની ટીમે તેને ફરી રિકવર પણ કરી લીધું હતું. જોકે એ ચાર મીનીટના સમયમાં પણ હેકરે જે પણ પોસ્ટ અપલોડ કરી હતી તે ઘણા બધા યુઝર્સે જોઈ હતી.