શું તમારી પાસે છે બિઝનેસનો આઇડિયા? તો મુકેશ અંબાણી બનાવશે Businessman

જો તમારી પાસે આઇડિયા છે તો મુકેશ અંબાણીની રિલાયન્સ ઇન્ડસ્ટ્રીઝ તમને આગળ વધવામાં મદદ કરશે. એના માટે કંપનીએ JioGenNext પ્લેટફોર્મ વિકસિત કર્યું છે જે નવા આઇડિયા વાળા સ્ટાર્ટઅપને પોતાની JIO ઇકોસિસ્ટમની મદદથી ઉપલબ્ધ કરાવે છે. અહીંયા કંપનીના એક્સપર્ટ્સની સલાહથી લઇને ટ્રેનિંગ સુધીની મદદ ઉપલબ્ધ કરે છે. અહીંયા લોકો એમનો બિઝનેસ આઇડિયા ગમે ત્યારે આપી શકે છે. કંપની દર ત્રણ મહિને નવો પ્રોગ્રામ શરૂ કરે છે. જેમાં નવા લોકોને સામેલ કરવામાં આવે છે. 

શું છે આ પ્રોગ્રામ
કંપની JioGenNext નામથી એક ઇકોસિસ્ટમ ચલાવે છે. અહીંયા નવા આઇડિયા આપનાર લોકોને ત્રણ મહિનાની ટ્રેનિંગ આપવામાં આવે છે. લોકોએ એમના બિઝનેસ આઇડિયા અહીંયા મોકલવાના હોય છે જેને એક ખંડપીઠની સામે મૂકવામાં આવે છે. બેચને જેનો આઇડિયા પસંદ આવે છે તો એને 3 મહિનાની ટ્રેનિંગ માટે સિલેક્ટ કરે છે. અહીંયા રિલાયન્સના બિઝનેસ લીડર ટ્રેનિંગ આપવા ઉપરાંત એમને પોતાના સ્ટાર્ટઅપ શરૂ કરવા અથવા આગળ વધારવા માટેની રીતો જણાવે છે. 

પૈસા પણ રોકી શકે છે રિલાયન્સ
રિલાયન્સ ઇન્ડસ્ટ્રીઝ અને રિલાયન્સ JIO ટ્રેડિશનલી વેન્ચર કેપિટલ ફર્મ નથી પરંતુ એ એવી કંપનીઓમાં રોકાણ કરી શકે છે જે RIL અથવા JIO ના લક્ષ્યને પૂરું કરવામાં મદદરૂપ બની શકતી હોય. જ્યાં સુધી RIL અને JIO સાથે મળીને કામ કરવાની વાત છે તો કંપની એની ગેરંટી આપતી નથી જો કે શક્યતા હોય તો વિચાર કરી શકાય છે. 

આવી રીતે કરો અપ્લાય
જો તમે આ ટ્રેનિંગમાં રસ દાખવો છો તો કંપનીની વેબસાઇટ પર જઇને સીધું અપ્લાય કરી શકો છો. કંપનીની વેબસાઇટ છે https://www.jiogennext.com/faq. આ વેબસાઇટ પર એક સવાલ જવાબનું પેજ છેજેમાં કંપનીએ લોકોએ પૂછેલા પ્રશ્નોના મોટાભાગના જવાબો આપ્યા છે. આ સાથે અહીંયા આવેદન કરવા માટેની લિંક પણ આપી છે. આ લિંક પર ક્લિક કરવા પર ફોર્મ સામે આવે છે જેને ભરવા પર તમારું આવેદન પત્ર કંપની પાસે ચાલ્યું જશે. બાદમાં કંપની તમારો સંપર્ક કરશે. 

કેવા લોકોની પસંદગી કરે છે રિલાયન્સ 
રિલાયન્સ એવા લોકોને પસંદ કરવાનું ઇચ્છે છે જેમનામાં કામને લઇને એપ્ટીટ્યૂટ હોય અને પોતાના કામ પ્રત્યે ભરોસો પણ હોય. એવા લોકો જે બીજા માટે ઉદાહરણ બની શકે એમનામાં સૌથી સારી વાત એ હોય કે એ બીજાની વાત સાંભળવાનું પસંદ કરે. 

અહીંયા શું-શું મળે છે મદદ
અહીંયા પસંદ કરેલા લોકોને દેશના સૌથી સારા સ્ટાર્ટઅપથી જોડાયેલા લોકો સાથે સંપર્ક કરાવવામાં આવે છે. અહીંયા એમની પ્રોડક્ટને Proof of Concept ના હિસાબથી ટેસ્ટ કરવા માટે કહેવામાં આવે છે. સફળ પ્રોડક્ટ માટે કેવી રીતે માર્કેટ ટેસ્ટ કરવામાં આવે અને બાદમાં કેવી રીતે કોમર્શિયલ પાર્ટનરશીપ કરવામાં આવે એવું પણ જણાવવામાં આવે છે. અહીંયા ટ્રેનિંગ લેનાર લોકોને રોકાણકારો સાથે મળવાની તક મળે છે. 

કેટલા દિવસ અહીંયા રોકાવવું પડે છે
આ પૂરો કાર્યક્રમ 3 મહિનાનો છે. પરંતુ અહીંયા 6 મહિના જ રોકાવવાનું હોય છે. ટ્રેનિંહ પ્રોગ્રામ દરમિયાન કંપની શાનદાર સર્વિસ એપાર્ટમેન્ટ રહેવા માટે આપે છે.