તુર્કીમાં 6 ફેબ્રુઆરીએ આવેલા 7.8ના કિલર ભૂકંપથી પ્રસૂતિગૃહમાં તાજા જન્મેલા બાળકોને બચાવવા બે નર્સોએ જાનની બાજી લગાવી દીધી હતી.
તુર્કી ભૂકંપમાં સામે આવી બે નર્સની બહાદુરી
પ્રસૂતિગૃહમાં તાજા જન્મેલા બાળકોને બચાવ્યાં
7.8ના ભૂકંપથી ધરતી ધ્રૂજી ત્યારે બેબી ઈન્ક્યુબેટર્સને પકડી રાખ્યાં
બીજો સ્ટાફ જીવ બચાવવા બહાર દોડ્યો
તુર્કીમાં 6 ફેબ્રુઆરીએ આવેલા 7.8ના મહાવિનાશકારી ભૂકંપથી ચારેબાજુ તબાહી મચી રહી હતી. લોકો જીવ બચાવવા ભાગી રહ્યાં હતા પરંતુ આ દરમિયાન તુર્કીની બે નર્સે ઘણા તાજા જન્મેલા બાળકોને બચાવી લીધા હતા. ગાઝિયાંટેપની એક હોસ્પિટલમાં સીસીટીવી કેમેરામાં રેકોર્ડ થયેલી એક ઘટનાનો વીડિયો હવે વાયરલ થઈ રહ્યો છે. ડેવલેટ નિઝામ અને ગેઝવલ કેલિસ્કન તરીકે ઓળખાતી નર્સોએ ભૂકંપના આંચકા અનુભવાયા ત્યારે બિલ્ડિંગની બહાર નીકળી જવાને બદલે નિયોનેટલ ઇન્ટેન્સિવ કેર યુનિટમાં જઈને બાળકોને સુરક્ષિત રાખવાનો નિર્ણય કર્યો હતો.
Sağlıkçılarımız şahane insanlar👏#GaziantepBüyükşehir İnayet Topçuoğlu Hastanemiz yenidoğan yoğun bakım ünitesinde, 7.7'lik #deprem esnasında minik bebekleri korumak için Hemşire Devlet Nizam ve Gazel Çalışkan tarafından gösterilen gayreti anlatacak kelime var mı?
બિલ્ડિંગ ધ્રૂજી ત્યારે બેબી ઇન્ક્યુબેટર્સને જોરથી પકડી રાખ્યાં
વાયરલ થઈ રહેલી ક્લિપમાં, નર્સો ઇન્ટેન્સિવ કેર યુનિટમાં પ્રવેશે છે કે તરત જ આખી હોસ્પિટલ ધ્રૂજવા લાગે છે પરંતુ તેમણે બન્નેએ બાળકોને જે બોક્ષમાં સુવડાવ્યાં હતા તેને જોરથી પકડી રાખે છે જો તેમણે આવું ન કર્યું હોત તો બાળકોના મોત નક્કી હતાં પરંતુ બન્નેએ બેબી ઇન્ક્યુબેટર્સને જોરથી પકડી રાખ્યાં હતા અને તાજા જન્મેલા બાળકોને નીચે પડતાં અટકાવ્યાં હતા.
128 દિવસ બાદ બે મહિનાનું બાળક જીવતું મળ્યું
તુર્કીમાં બનેલી બીજી એક ઘટનામાં ભૂકંપના 128 દિવસ બાદ બે મહિનાનું બાળક જીવતું મળ્યું હતું. બચાવકર્મીઓએ બચાવ અભિયાન વખતે કાટમાળમાંથી 2 મહિનાના બાળકને જીવતું બહાર કાઢ્યું હતું. કાટમાળમાં 128 દિવસ સુધી દટાઈ રહેવા છતાં પણ 2 મહિનાના છોકરાનો વાળ વાંકો ન થયો તે ચમત્કાર ગણાય.
👶2-month-old baby rescued from quake rubble after 128 hours in debris
🚑The baby survived the deadly disaster and was immediately taken to the hospital for medical checks