નવા વર્ષની શરૂઆતમાં હવે ગણતરીના જ દિવસો બાકી છે. ત્યારે આ ખાસ અવસર પર તમે બાઈક લેવાનું વિચારી રહ્યાં છો તો આજે અમે તમને એક બેસ્ટ ઓફર જણાવી રહ્યાં છીએ. આ ઓફર દ્વારા તમારે ડાઉન પેમેન્ટ પણ આપવું નહીં પડે અને કોઈપણ પ્રકારના ડોક્યૂમેન્ટ્સ પણ સબમિટ નહીં કરવા પડે, એટલું જ નહીં જો તમે કેટલીક ખાસ બેંકો દ્વારા ઈએમઆઈ કરાવો છો તો તમને પાંચ ટકા અથવા પાંચ હજાર રૂપિયા સુધી કેશબેક પણ મળશે. ચાલો જાણીએ.
ન્યૂ યરની બેસ્ટ ઓફર આપી રહી છે હોન્ડા
બાઈક લેવાનું વિચારતા લોકો માટે છે ખાસ
આ ઓફરમાં તમારે ડાઉન પેમેન્ટ પણ આપવું નહીં પડે
શું છે ઓફર
આ ઓફર હેઠળ તમે ડાઉન પેમેન્ટ આપ્યા વિના જ બાઈક ઘરે લઈ જઈ શકો છો. એટલું જ નહીં ડોક્યૂમેન્ટેશનની પણ જરૂર નહીં પડે. સાથે જ તમે ડેબિટ અથવા ક્રેડિટ કાર્ડ દ્વારા પેમેન્ટ કરો છો તો તમને પાંચ ટકા અથવા પાંચ હજાર રૂપિયા સુધી કેશબેક પણ મળશે.
તમને જણાવી દઈએ કે આ ખાસ ઓફરમાં કેટલીક સિલેક્ટેડ બેંકોના ડેબિટ અથવા ક્રેડિટ કાર્ડથી પેમેન્ટ કરવા પર આ ઓફર મળે છે. આ બેંક સ્ટાન્ડર્ડ ચાર્ટડ, આઈસીઆઈસીઆઈ બેંક, ફેડરલ બેંક, યસ બેંક અને બેંક ઓફ બરોડા છે. હાલમાં જ હોન્ડાએ 125 સીસી બાઈક સેગ્મેન્ટમાં એક નવો રેકોર્ડ બનાવ્યો છે.
હકીકતમાં વર્ષ 2006માં લોન્ચ થયેલી હોન્ડા શાઈને અત્યાર સુધી 90 લાખથી વધુ ગ્રાહકો સુધી પોતાની પહોંચ બનાવી છે. શાઈનને ભારતીય બજારમાં અનોખી ઓપ્ટિમેક્સ ટેક્નિક સાથે રજૂ કરવામાં આવી હતી. માત્ર બે વર્ષોમાં શાઈન ભારતમાં 125 સીસી સેગ્મેન્ટમાં નંબર 1 બાઈક બની ગઈ હતી.