પોતાના નવા ઘરના ગૃહ પ્રવેશની તસ્વીરો સિંગરે સોશિયલ મીડિયા પર શેર કરી છે.
સિંગર ગીતા રબારીએ ખરીદ્યુ નવું ઘર
ગૃહ પ્રવેશની તસ્વીરો સોશિયલ મીડિયા પર વાયરલ
નવા ઘરમાં કપલે કરી પૂજા
સિંગર ગીતા રબારીએ હાલમાં એક ઘર ખરીદ્યું છે. જે કોઈ મહેલને પણ જાંખુ પાડે તેવું દેખાઈ રહ્યું છે. ગીતા રબારી અને તેના પતિએ પોતાના લક્ઝુરિયર્સ ઘરમાં ગૃહપ્રવેશ કર્યો છે. જેની તસ્વીરો તેણે સોશિયલ મીડિયા પર પોસ્ટ કરી છે. તસ્વીરોમાં જોઈ શકાય છે કે બન્નેએ નવા ઘરમાં પૂજા રાખી હતી.
કપલે ઘરમાં કરી પૂજા
ગીતા રબારીએ આ લક્ઝુરિયર્સ ઘર ક્યાં ખરીદ્યું છે તેની હજુ સુધી કોઈ જાણકારી બહાર આવી નથી પરંતુ તસ્વીર જોઈને તેવું લાગી રહ્યું છે કે ઘર ખુબ જ સુંદર છે. તસ્વીરોમાં કપલ ઘરના મંદિરમાં પૂજા કરતા જોવા મળી રહ્યા છે. પૂજા ઘરમાં તેમણે લિંબોજ માતાજી અને દ્વારકાધીશ ભગવાનની મૂર્તિ સ્થાપિત કરી છે. કપલની નવા ઘરમાં ગૃહ પ્રવેશ કરવાની ખુશી તસ્વીરોમાં સ્પષ્ટ દેખાઈ રહી છે.
સોશિયલ મીડિયા પર ખૂબ વાયરલ થઈ રહી છે આ તસ્વીરો
ગીતા રબારીએ પોતાની આ તસ્વીરો સોશિયલ મીડિયા સાઈટ ઈન્સ્ટાગ્રામ પર શેર કરી છે. જેને પ્રસંશકો દ્વારા ખુબ પસંદ કરવામાં આવી રહી છે. માત્ર 1 જ દિવસની અંદર કપલની આ તસ્વીરોને ડોઢ લાખ ઉપર લાઈક મળી છે. સાથે જ આ તસ્વીરો ઈન્ટરનેટ પર ખૂબ વાયરલ પણ થઈ રહી છે.
ચાહકોના દિલો પર રાજ કરનાર ગીતા રબારીને કચ્છની કોયલ તરીકે પણ જાણવામાં આવે છે. તેમણે પાંચમાં ધોરણથી જ પોતાની કારકિર્દીની શરૂઆત કરી હતી. માત્ર 20 વર્ષની ઉંમરમાં જ ગીતા રબારીએ લોકપ્રિયતા મેળવી લીધી હતી.