કેન્દ્રીય નાગરીક ઉડ્ડયન મંત્રાલય દ્વારા ડ્રોનના નવા નિયમો લાગુ કરવામાં આવ્યા છે. નવા નિયમોમાં જૂનાની સરખામણીએ મોટા ફેરફાર કરવામાં આવ્યા છે.
ડ્રોનના નવા નિયમોમાં ધરખમ ફેરફાર
માઈક્રો અને નેનો ડ્રોન માટે હવે લાયસન્સ મરજીયાત
ફી અને અન્ય ચાર્જમાં કરાયો મોટા ઘટાડો
દેશમાં ડ્રોન ઓપરેશન માટે પહેલા 25 જેટલા ફોર્મ ભરવામાં આવતા હતા. જેની સંખ્યા હવે ઘટાડીને 25ની જગ્યાએ 5 તકરી દેવામાં આવી છે. કેન્દ્રીય નાગરિક ઉડ્ડયન મંત્રાલય દ્વારા આ નિર્ણય લેવામાં આવ્યો છે. સાથેજ પહેલા ડ્રોન ઓપરેશન માટે જુદી જુદી 72 પ્રકારની ફી વસુલવામાં આવતી હતી જેના ખાલી 4 પ્રકાર કરી દેવામાં આવ્યા છે.
"The new Drone Rules usher in a landmark moment for this sector in India. The new rules will tremendously help start-ups and our youth working in this sector," says PM Modi pic.twitter.com/uqSeEnmQyk
સમગ્ર મુદ્દે વડાપ્રધાન નરેન્દ્ર મોદીએ જણાવ્યું કે નવા ડ્રોન નિયમો ભારત માટે એક ઐતિહાસિતક ક્ષણ છે. તેમણે સ્ટાર્ટઅપ ક્ષેત્રે યુવાનોને આ નિયમો ઘણા કામ લાગશે તે વાતનો ઉલ્લેખ કર્યો. આપને જણાવી દઈએ કે ટ્વીટર પર ટ્વીટ કરીને વડાપ્રધાન મોદી દ્વારા આ સમગ્ર મુદ્દે મહત્વનું નિવેદન આપવામાં આવ્યું છે.
ડ્રોનની ફી તેના કદ પ્રમાણે રહેશે
નવા નિયમોમાં માનવ રહિત વિમાન પ્રણાલીનો નિયમનો પણ શમાવેશ કરવામાં આવ્યો છે. જે 12 માર્ચે લાગૂ કરવામાં આવ્યો હતો. નવા નિયમો અંતર્ગત ડ્રોન ઓપરેશન માટે ફી ખુબ ઓછી કરવામાં આવી છે. જોકે દરેક ડ્રોનની ફી તેના કદ પ્રમાણે અલગ અલગ રહેશે.
નવા નિયમો 10 વર્ષ સુધી માન્ય રહેશે
જુના નિયમો પ્રમાણે રિમોટ પાયલટ લાઈંસેંસ માટે 3000 રૂપિયા લેવામાં આવતા હતા. જેની ફિ ઘટાડીને 100 રૂપિયા કરી દેવામાં આવી છે. સાથેજ 10 વર્ષ સુધી આ નિયમો માન્ય રહેશે. જૂના નિયમોમાં અલગ અલગ મંજૂરી લેવામાં આવતી હતી જે મંજૂરીઓ હવે લેવાની જરૂર નહી પડે.
દંડની નવી રકમ ઘટાડીને 1 લાખ
ઉલ્લેખનીય છે નવા નિયમો પ્રમાણે 400 ફુટ અને 12 કિમીના દાયરામાં તમે ગ્રીનઝોનમાં ડ્રોન ઉડાવી શકાશે. સાથેજ માઈક્રો ડ્રોન અને નૈનો ડ્રોન માટે કોઈ પણ લાયસન્સ લેવું નહી પડે. સાથેજ જો નિયમોના ભંગ બદલ દંડની રકમ પણ ઘટાડીને 1 લાખ રૂપિયા કરી દેવામાં આવી છે. સાથેજ વિદેશી કંપનીનું ડ્રોન હશે તો પણ કોઈ વાંધો નહી આવે.