મહામારી / 12-17 વર્ષના કિશોરો હવે પ્રાઈવેટ સેન્ટરોમાં લઈ શકશે કોવોવેક્સ વેક્સિન, CoWIN પોર્ટલ પર જોગવાઈ

• સૂત્રોનો મોટો દાવો
• 12-17 વર્ષના કિશોરો હવે કોવોવેક્સ લઈ શકશે
• પ્રાઈવેટ હોસ્પિટલોમાં આ વય જૂથના લોકો લઈ શકશે વેક્સિન
• કોવોવેક્સ સિરમ ઈન્સ્ટીટ્યુટની છે વેક્સિન

સૂત્રોએ જણાવ્યું છે 12 થી 17 વર્ષના કિશોરો હવે પ્રાઈવેટ સેન્ટરો ખાતે સિરમની વેક્સિન કોવોવેક્સ લઈ શકશે.આ માટે કોવિન પોર્ટલ પર જોગવાઈ કરાઈ છે.

Children aged 12 to 17 can now opt for Serum Institute's Covid jab Covovax at private centres; provision enabled on CoWIN portal: Sources

— Press Trust of India (@PTI_News) May 2, 2022

પ્રાઈવેટ હોસ્પિટલોમાં કોવાવેક્સના એક ડોઝની કિંમત 1050 રુપિયા 

 એક ડોઝ કોવાવેક્સ વેક્સિનની કિંમત 900 રુપિયા અને 150 રુપિયા હોસ્પિટલ ચાર્જ આ રીતે કુલ 1050 થવા જાય છે. હાલમાં 12 થી 14 વર્ષના બાળકોને બાયોલોજીકલ ઈની કોર્બેવેક્સ વેક્સિન અપાઈ રહી છે જ્યારે 15 થી 18 વર્ષના યુવાનોને સરકારી વેક્સિનેસન સેન્ટરોમાં ભારત બાયોટેકની કોવેક્સિન આપવામાં આવી રહી છે.

ટેકનીકલ એડવાઈઝરી ગ્રુપે કોવાવેક્સની કરી હતી ભલામણ 

નેશનલ ટેકનીકલ એડવાઈઝરી ગ્રુપે 12 થી 17 વર્ષના લોકો માટે કોવોવેક્સની સરકારને ભલામણ કરી હતી. સિરમના ડિરેક્ટર પ્રશાંત કુમાર સિંહે કેન્દ્રીય આરોગ્ય મંત્રાલયને પત્ર લખીને જણાવ્યું કે 12 થી 17 વર્ષના લોકોના વેક્સિનેશનમાં અમારી કંપનીની કોવાવેક્સને પણ સામેલ કરી લેવામાં આવે. સિરમના પત્ર બાદ ડીસીજીઆઈએ ગત વર્ષના ડિસેમ્બરમાં કોવોવેક્સને મંજૂરી આપી હતી. 

બાળકોની વેક્સિન અસરકાર અને સુરક્ષિત હોવાનો દાવો

સિરમના ચીફ અદાર પૂનાવાલાએ કહ્યું કે, તમારે બાળકોની રસી લગાવવી જોઈએ અને તેનું કોઈ નુકસાન નથી. આ વેક્સિન સુરક્ષિત અને અસરકારક મળી આવી છે. તેમણે કહ્યું કે, જો તમે ઇચ્છો છો કે તમારા બાળકોની રસી લગાવવી છે તો સરકારની જાહેરાતની રાહ જુઓ અને ત્યારબાદ રસી લગાવી લો. આ રસી કામ કરશે અને બાળકોને સંક્રમણ રોગથી બચાવશે.