રાજકારણ / અચાનક બંધ થયું માઈકઃ રાહુલ ગાંધી બોલ્યા, મારી સાથે સંસદમાં રોજ આવું જ થાય છે, મોઢું ખોલતાં જ....

• રવિવારે રાહુલે કર્યું તિરુનેલવેમલીમાં સંબોધન
• વિદ્યાર્થીના સવાલ સમયે માઈક અચાનક થયું બંધ
• સત્તામાં આવીશું તો અભ્યાસ માટે સૌથી વધારે શિષ્યવૃત્તિ આપીશુંઃ રાહુલ ગાંધી

કોંગ્રેસ નેતા અને સાંસદ રાહુલ ગાંધી આ દિવસોમાં તમિલનાડુનો પ્રવાસ કરી રહ્યા છે. આ સમયે તેઓએ સેન્ટ ઝેવિયર્સ કોલેજના વિદ્યાર્થીઓને સંબોધિત કર્યા. સંબોધન સમયે જ્યારે એક વિદ્યાર્થીએ સવાલ કરવાની ઇચ્છા કરી તો માઈક અચાનકતી બંધ થઈ ગયું. આ સમયે રાહુલે તેને કહ્યું કે મારી સાથે સંસદમાં મોટાભાગે આવું જ થાય છે. 

રાહુલ ગાંધીએ આ રીતે કર્યો ત્વરિત રિપ્લાય

સેન્ટ ઝેવિયર્સ કોલેજમાં જ્યારે વિદ્યાર્થીને સવાલ જવાબના સમયે એક વિદ્યાર્થીએ સવાલ પૂછવાનું શરૂ કર્યું કે માઈક અચાનક બંધ થઈ ગયું. વિદ્યાર્થીનું માઈક બંધ થતાં જ રાહુલ ગાંધીએ કહ્યું કે તમે જોયું હશે તે તમારા માઈકની સાથે શું થયું. આવું મારી સાથે મોટાભાગે સંસદમાં થાય છે. હું જ્યારે બોલવાનું શરૂ કરું છુ તો મારું માઈક અચાનક બંધ થઈ જાય છે. આ કારણે હું તમારી ભાવનાઓને સમજી શકું છું. 

What a witty response by @RahulGandhi ji

Often happens with me as well. When having waited for most part of the debate, as I am all geared-up to present my side, start speaking…and the signal is lost. pic.twitter.com/rnYPWqZJw8

— Prof. Gourav Vallabh (@GouravVallabh) March 1, 2021

શિક્ષણને લઈને કરી આ વાત

વિદ્યાર્થીઓ સાથે વાતમાં તેઓએ સસ્તી શિક્ષાની વાત પણ કરી. રાહુલ ગાંધીએ કહ્યું કે શિક્ષણ ફક્ત અમીરોને માટે નથી પણ દરેકને માટે હોવું જોઈએ. અમે સત્તામાં આવીશું તો ભણવા માટે લોકોને વધુને વધુ શિષ્યવૃત્તિ આપીશું, સાથે જ તેઓએ કહ્યું કે અમે શિક્ષણ પ્રણાલીને લઈને કોઈ નીતિ કે ફરી કોઈ યોજના તૈયાર કરવી છે તો વિદ્યાર્થીઓ અને શિક્ષકોની સાથે વાત કરવી પડશે. જોકે દુર્ભાગ્યથી આવું કરાયુ નથી.

સત્તામાં આવ્યા વિના તમારા વિચારો મોદી સરકાર લાગૂ કરશે

આ સવાલના જવાબમાં રાહુલ ગાંધીએ કહ્યું કે આ લોકોના સપોર્ટથી શક્ય છે. પરંતુ એવું પણ થઈ શકે કે તેમાંથી કેટલાક પૂરા થઈ શકે નહીં. સાથે જ તેઓએ કહ્યું કે અમે એવા દુશ્મન સાથે લડી રહ્યા છીએ જેઓ પોતાના વિરોધીઓને કચડી રહ્યા છે.