કોરોનાના કહેરને કારણે આખો દેશ થંભી ગયો છે. લોકો ઘરમાં કેદ છે અને કોરોના સંક્રમિતોમાં સતત વધારો પણ થઈ રહ્યો છે. જેથી લોકોમાં જાગરૂકતા ફેલાવવા માટે બોલિવૂડ સેલેબ્સ પણ સોશિયલ મીડિયા પર સતત વીડિયો અને ફોટો શેર કરીને લોકોને સાવધાન કરી રહ્યાં છે. મેગાસ્ટાર અમિતાભ બચ્ચન છેલ્લા ઘણાં સમયથી સોશિયલ મીડિયા પર કોરોનાને લઈને ટ્વિટ્સ કરી રહ્યાં છે. જે સોશિયલ મીડિયા પર ખૂબ વાયરલ થઈ રહી છે. હાલમાં જ ફરી બિગ-બીએ એક ટ્વિટ કર્યું છે.
કોરોના સંકટમાં અમિતાભ બચ્ચને લોકોને આપી સલાહ
સોશિયલ મીડિયા દ્વારા બિગ-બી ફેલાવી રહ્યાં છે જાગરૂકતા
અમિતાભ બચ્ચને ટ્વિટમાં લખ્યું-હા તમે. તમારી સાથે જ વાત કરી રહ્યો છું. મારી વાતને ધ્યાનથી સાંભળો. આ કોરોના બીમારીને સમજો. ઘરમાં રહો. બહાર ન નીકળો. હાથ જોડીને બધાંને પ્રાર્થના કરું છું. આ વાયરસ તેનું ઘર શોધી રહ્યો છે અને આ ઘર તેને માણસોની અંદર મળે છે. તમારા ઘરનો દરવાજો બંધ કરી દો. તે અંદર ઘૂસી ન જાય.
T 3492 -YOU , yes YOU ! आप ही से बात कर रहा हूँ मैं ! LISTEN TO ME ! इस CORONA बीमारी को समझो ! घर में रहो ! बाहर मत निकलो !🙏 हाथ जोड़ रहा हूँ मैं ! ये virus अपना घर ढूँड रहा है , और वो घर उसे इंसानों के अंदर मिलता है ! अपने घर का दरवाज़ा बंद कर दो । घुसने ना पाए । pic.twitter.com/VpdAxlS10A
તમને જણાવી દઈએ કે, લોકડાઉનને કારણે અમિતાભ બચ્ચન પણ હાલ ઘરમાં જ છે અને તેઓ અવારનવાર સોશિયલ મીડિયા પર લોકોને ખાસ સલાહ આપતા રહે છે. આ પહેલાં પણ બિગ બી કોરોનાથી જોડાયેલી કેટલીક ટ્વિટ્સ શેર કરી છે. બિગ બી અલગ જ અંદાજમાં લોકોને કોરોનાથી સાવધાન રહેવાની સલાહ આપી રહ્યાં છે. બિગ બીના આ ટ્વિટ્સ ખૂબ જ વાયરસ થઈ રહ્યાં છે.
બિગ-બીના વર્કફ્રંટની વાત કરીએ તો બિગ બી ટૂંક સમયમાં 4 ફિલ્મો દ્વારા બોલિવૂડમાં ધમાલ મચાવવાના છે. જેમાં ફિલ્મ ચહેરે, બ્રહ્માસ્ત્ર, ઝુંડ અને ગુલાબો સિતાબો સામેલ છે. દેશની સ્થિતિ સામાન્ય થતાં જ બિગ બી દર્શકોને રૂપેરી પડદે જોવા મળશે.