VTV સ્ટિંગ / અમદાવાદમાં હોટલને પણ ટક્કર મારે એવા કપલબોક્ષ, અંદરની સુવિધાઓ જોઈને આંખો પહોળી થઈ જશે

• અમદાવાદમાં ધમધમી રહ્યા છે કપલબોક્ષ
• VTVના સ્ટિંગ ઓપરેશનમાં પર્દાફાશ
• કાફેની આડમાં ચાલી રહ્યા છે કપલબોક્ષ

સુરતમાં ગ્રીષ્માની હત્યા કરનાર ફેનિલ કપલ બોક્સ ચલાવતો હતો. ત્યારે હવે સુરત બાદ અમદાવાદમાં પણ કપલ બોક્સ બંધ કરવાની માંગ લોકોમાં ઉઠી છે.ત્યારે અમદાવાદમાં Vtvની ટીમે શહેરમાં અલગ અલગ જગ્યાએ સ્ટિંગ ઓપરેશન હાથ ધર્યું છે. જેમાં શહેરમાં ખુલ્લેઆમ કપલ બોક્સ ધમધમી રહ્યાનું જાણવા મળ્યું છે. સ્ટિંગ ઓપરેશન દરમિયાન કપલ બોક્સમાં સેટી, ગાદલાં, તકિયાં, ટેબલ ફેન સહિતની વ્યવસ્થા જોવા મળી રહી. કપલ બોક્સ ચલાવતા સંચાલકને ભાડા વિશે પૂછવામાં આવ્યું તો એક કલાકના 150 રૂપિયા થી 600 રૂપિયાનું ભાડૂ વસૂલ કરે છે.

સુરત બાદ અમદાવાદમાં પણ ધમધમી રહ્યા છે કપલબોક્ષ

અમદાવાદમાં ખુલ્લેઆમ કાફેની આડમાં કપલબોક્ષ ચાલી રહ્યા છે. જેમાં સોફા, ગાદલા, તકિયા, ફેનની વ્યવસ્થા આપવામાં આવે છે. તેમજ 1 કલાકનું 150 થી 600 રૂપિયા ભાડું  વસૂલવામાં આવે છે. અમદાવાદના નિકોલ, નરોડા, વસ્ત્રાલ અને વટવા સહિતના વિસ્તારોમાં કપલબોક્ષ ધમધમે છે. જેમાં કાફેની અંદર પાર્ટીશન ઉભા કરીને નાના રૂમ બનાવવામાં આવ્યાં છે. બીજી તરફ Vtvની ટીમે જ્યારે કપલબોક્ષના સંચાલકોને કેટલાક સવાલો પુછતાં તેઓ કેમેરા સામે આપ્યો ગોળ ગોળ જવાબ આપતાં જોવા મળી રહ્યાં હતાં. ઉલ્લેખનીય છે કે, કપલબોક્ષના કારણે યૌનશોષણની ઘટનાઓ વધી રહી છે. સુરતમાં  ગ્રીષ્માની હત્યા કરનાર ફેનિલ પણ કપલબોક્ષ ચલાવતો હતો.   
 
Vtvના સળગતા સવાલો 

- કાફેની આડમાં કપલબોક્ષ ચલાવવાની કોણે આપી મંજૂરી?
- શું અમદાવાદની પોલીસ કપલબોક્ષ અંગે અજાણ છે?
- શું પોલીસની રહેમનજર હેઠળ ચાલી રહ્યા છે કપલબોક્ષ?
- કપલબોક્ષ ચલાવતા કાફેથી હપ્તા પહોંચી રહ્યા છે?
- ગ્રીષ્મા હત્યા કેસ બાદ પણ કેમ નથી લેવાતો બોધપાઠ?
- આ પૂર્વે કપલબોક્ષમાં એક યુવતીના મોતની ઘટના સામે આવી હતી
- કપલબોક્ષ ચલાવતા કાફે માલિકોને કેમ મળ્યો છે ખુલ્લોદોર?
- કાફે માલિકો વિરુદ્ધ કાયદેસરની કાર્યવાહી થશે?
- શું કાફેની મંજૂરી આપ્યા બાદ કપલબોક્ષ ઉભા કરાયા?