VIDEO / વલસાડ: ગ્લોબલ વોર્મિંગના કારણે કેરીના પાકને નુકસાન, આ વખતે થશે માત્ર 25 ટકા ઉત્પાદન

ફળોના રાજાની બજારમાં હશે બોલબાલા!

કેરીના ઉત્પાદન માાટે જાણીતા વલસાડ જિલ્લામાં આ વખતે માત્ર 25 ટકા જ કેરીનું ઉત્પાદન થશે. કારણ કે, ઓછી ઠંડી અને ફૂલ ગરમીના કારણે 75 ટકા આવરણ ફેલ થઈ ગયું. જેના કારણે 25 ટકા જ પાક બચ્યો છે. જેના કારણે હાલ ખેડૂતોની સ્થિતિ પણ કફોડી બની છે.

75 ટકા કેરીનું આવરણ ખરી જતા નુકસાની

સામાન્ય રીતે 2 લાખ મેટિક ટન કેરીનું ઉત્પાદન થાય છે. જોકે આ વખતે જાન્યુઆરી માસમાં આંબાવાડીઓમાં આંબા પર અઢળક મોર આવ્યા હતા. પરંતુ ક્લાઈમેટ ચેન્જ અને ગ્લોવલ વોર્મિંગના કારણે માત્ર 20 ટકા જ કેરીનો પાક બચ્યો છે. એટલે કે આ વખતે પાછલા વર્ષની સરખામણીએ ઓછી માત્રામાં કેરી બજારમાં આવશે.

વધુ વાંચોઃ ભાવનગર: પ્લાસ્ટીક ઉદ્યોગ પર મંદીના વાદળો, 25000 કામદારોની રોજી સંકટમાં, જુઓ વીડિયો

કેરીના ઉત્પાદન માટે પ્રખ્યાત છે વલસાડ

મહત્વું છે કે, છેલ્લા એક દાયકામાં બી-બીયારણ અને દવાઓના ભાવ વધી ગયા છે. પરંતુ તેની સામે કેરીના ભાવમાં નહીવત વધારો થયો છે.. આથી પણ ખેડૂતોને પુરતો નફો મળી રહ્યો નથી. અને જો વાતાવરણ સતત ખરાબ રહ્યું તો આવનાર વર્ષોમાં ખેડૂતોએ બગીચા કાપી નાખવા પડે તો પણ નવાઈ નથી. આ વખતે કેરીનું ઉત્પાદન તો માત્ર 25 ટકા જેટલું જ રહેશે. તેવામાં ખેડૂતોને 1000 થી 2000 સુધી કેરીના ભાવ મળે તો નુકસાની વેઠવી ન પડે. ત્યારે જોવાનું એ રહેશે કે, બજારમાં આખર સુધી કેરીના ભાવ શું રહે છે.