5G હજી ભારતમાં યોગ્ય રીતે પહોંચ્યું નથી અને બીજી તરફ જાપાને વિશ્વનું પ્રથમ 6G ઉપકરણ તૈયાર કર્યું છે, જો કે હાલમાં તે માત્ર એક પ્રોટોટાઇપ ઉપકરણ છે પરંતુ તેની સ્પીડ 300 ફૂટથી વધુની રેન્જમાં પણ 100Gbps કરતાં વધુ છે. દાવો કરવામાં આવી રહ્યો છે કે તેની સ્પીડ હાલની 5G ટેક્નોલોજી કરતા 20 ગણી વધારે છે.
આ ઉપકરણ જાપાનની ટેલિકોમ કંપનીઓ દ્વારા સંયુક્ત રીતે વિકસાવવામાં આવ્યું છે જેમાં DoCoMo, NTT કોર્પોરેશન, NEC કોર્પોરેશન અને Fujitsuનો સમાવેશ થાય છે. રિપોર્ટ અનુસાર, આ 6G પ્રોટોટાઇપ ડિવાઇસ 100 GHz બેન્ડ પર 100Gbps સ્પીડ ઘરની અંદર હાંસલ કરી શકે છે. ઘરની બહાર સમાન ગતિ પ્રાપ્ત કરવા માટે, તે 300 GHz બેન્ડનો ઉપયોગ કરે છે.
તમને જણાવી દઈએ કે અગાઉ ગયા વર્ષે નવેમ્બરમાં ચીને વિશ્વનું સૌથી ઝડપી ઈન્ટરનેટ રજૂ કર્યું હતું, જેની સ્પીડ વર્તમાન 5G ઈન્ટરનેટ સ્પીડ કરતા 10 ગણી વધારે હતી. એવો દાવો કરવામાં આવ્યો હતો કે આ ઈન્ટરનેટની સ્પીડ એટલી છે કે માત્ર એક સેકન્ડમાં 150 એચડી મૂવીનું લાઈવ ટેલિકાસ્ટ અથવા ડાઉનલોડ કરી શકાય છે. ચીને સિંઘુઆ યુનિવર્સિટી, ચાઈના મોબાઈલ, હુવેઈ ટેક્નોલોજીસ અને સર્નેટ કોર્પોરેશનની મદદથી વિશ્વનો સૌથી ઝડપી ઈન્ટરનેટ પ્રોજેક્ટ પૂર્ણ કર્યો છે. તમને યાદ અપાવી દઈએ કે અમેરિકાએ Huawei પર પ્રતિબંધ મૂક્યો છે અને Huaweiએ ભારતીય બજારમાંથી પોતાનું માર્કેટ પાછું ખેંચી લીધું છે.
વધુ વાંચો : ઇન્સ્ટાગ્રામ એપમાં એક સાથે ચલાવી શકો છો 5 એકાઉન્ટ, સમજો કેવી રીતે?
આ ઉપકરણનું પરીક્ષણ 11 એપ્રિલ, 2024 ના રોજ કરવામાં આવ્યું હતું. આ 6G ઉપકરણ જાપાન દ્વારા બનાવવામાં આવ્યું છે. ઘણી કંપનીઓ DOCOMO, NTT કોર્પોરેશન, NEC કોર્પોરેશન અને Fujitsuએ આ ઉપકરણ બનાવવા માટે ભાગીદારી કરી છે. અહેવાલો અનુસાર, આ ઉપકરણનું પરીક્ષણ 11 એપ્રિલ 2024 ના રોજ કરવામાં આવ્યું હતું, જે સફળ રહ્યું હતું. પ્રોટોટાઇપ ડિવાઇસ અંગે કંપનીઓએ દાવો કર્યો છે કે તે 100Gbpsની સ્પીડ સુધી પહોંચી શકે છે. કંપનીઓનું કહેવું છે કે આ ડિવાઈસને 328 ફૂટના અંતરે રાખવામાં આવેલા ડિવાઈસથી ટેસ્ટ કરવામાં આવ્યું હતું અને તેની સ્પીડ પણ ચેક કરવામાં આવી હતી.
