લોકસભા ચૂંટણી 2024 / હવે સસ્પેન્ડ કર્યા એટલે બ્રહ્મજ્ઞાન લાદ્યું', વીડિયો વાયરલ થતા જ કોંગ્રેસ પ્રવક્તાએ નિલેશ કુંભાણીને લીધા આડે હાથ

સુરત લોકસભા બેઠક પર ફોર્મ રદ થયા બાદ કોંગ્રેસના ઉમેદવાર નિલેશ કુંભાણી ગાયબ થઈ ગયા હતા. કોંગ્રેસે 6 વર્ષ માટે સસ્પેન્ડ કર્યા બાદ નિલેશ કુંભાણીનો વીડિયો સામે આવ્યો છે. જેમાં કુંભાણીએ કોંગ્રેસના નેતાઓ સામે આક્ષેપ કર્યા છે. નિલેશ કુંભાણીનો વીડિયો સામે આવ્યા બાદ કોંગ્રેસ પ્રવક્તા ધીરેન બેન્કરે પ્રતિક્રિયા આપી છે. 

'સસ્પેન્ડ કર્યા બાદ હવે તેમનો વીડિયો સામે આવ્યો છે'

તેમણે જણાવ્યુ કે કોંગ્રેસ પક્ષે સસ્પેન્ડ કર્યા બાદ હવે તેમનો વીડિયો સામે આવ્યો છે. આ વીડિયોથી નિલેશ કુંભાણીની ભાજપ સાથેની સાંઠગાંઠ અને મેળાપીપણું ખુલ્લુ પડી ગયુ છે. આંતરીક લોકશાહી માટે નિલેશ કુંભાણીને પત્ર લખી તેમનો પક્ષ જાણવા પ્રયાસ કર્યો હતો. પરંતુ તેમનો કોઇ સંપર્ક થઇ શક્યો ન હતો...

ટેકેદારો ક્યાં છે તેને લઇને કોઇ જ ફોડ નથી પાડી રહ્યાઃ  ધીરેન બેન્કર

કોંગ્રેસે અચાનક કડક પગલાં લઈ 6 વર્ષ માટે સસ્પેન્ડ કર્યા ત્યારે વીડિયો સામે આવ્યો છે. અને હજુ પણ તેઓ તેમના ટેકેદારો ક્યાં છે તેને લઇને કોઇ જ ફોડ નથી પાડી રહ્યા.. 

 

આ પણ વાંચોઃ મે મોવડી મંડળને કહેલું કે પ્રતાપભાઇ દૂધાતને કહો કે...', પક્ષમાંથી સસ્પેન્ડ કર્યા બાદ નિલેશ કુંભાણી આ શું બોલ્યા?

ભાજપની લખેલી સ્ક્રીપ્ટ પ્રમાણે નિલેશ કુંભાણી બોલી રહ્યા છેઃ  ધીરેન બેન્કર

તેમણે કહ્યું કે સુરતના મતદારોનો મતાધિકાર તેમણે છીનવી લીધો છે.. ભાજપની લખેલી સ્ક્રીપ્ટ પ્રમાણે નિલેશ કુંભાણી બોલી રહ્યા છે. નિલેશ કુંભાણીની ભાજપ સાથેની ગોઠવણ ખુલ્લી પડી ગઈ છે.

 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો