સોશિયલ મીડિયા પર દાવો કરવામાં આવી રહ્યો છે કે આ વીડિયો વાયરલ થયા બાદ ભારતીય મૂળના આ વ્યક્તિને કેનેડામાં તેની નોકરીમાંથી કાઢી મૂકવામાં આવ્યો છે. આ વ્યક્તિએ વીડિયોમાં પૈસા બચાવવાની યુક્તિ બતાવી હતી, જેણે કેનેડામાં ખળભળાટ મચાવ્યો હતો અને તેને નોકરીમાંથી કાઢી મૂકવામાં આવ્યો હતો.
ફ્રી ફૂડ ખાઈને બચત
પૈસા બચાવવા માટે એક વ્યક્તિએ એક યુક્તિ અપનાવી, જેની કિંમત તેણે નોકરી ગુમાવીને ચૂકવવી પડી. વ્યવસાયે ડેટા સાયન્ટિસ્ટ એવા આ વ્યક્તિની વાર્ષિક આવક 81 લાખ રૂપિયા હોવાનું કહેવાય છે. હાલમાં જ આ વ્યક્તિએ ઈન્સ્ટાગ્રામ પર એક વીડિયો શેર કર્યો છે અને જણાવ્યું છે કે કેવી રીતે તે ફ્રી ફૂડ ખાઈને એક અઠવાડિયામાં ઘણા પૈસા બચાવી રહ્યો છે. પરંતુ કદાચ તેને ખ્યાલ નહોતો કે આ વીડિયો વાયરલ થતાની સાથે જ તે નોકરી ગુમાવશે.
મફતમાં ખોરાકનો વીડિયો બનાવ્યો
હવે તમે વિચારતા હશો કે આ વ્યક્તિએ એવું શું કહ્યું જેના કારણે તેણે કથિત રીતે નોકરી ગુમાવી દીધી. મેહુલ પ્રજાપતિ નામના આ વ્યક્તિએ કહ્યું કે જ્યાંથી તેને મફતમાં ખોરાક મળે છે તે વાસ્તવમાં ચેરિટી ફૂડ બેંકો છે જે કોલેજ અને યુનિવર્સિટીના વિદ્યાર્થીઓ માટે ટ્રસ્ટ, ચર્ચ અને એનજીઓ દ્વારા ચલાવવામાં આવે છે. આ મુદ્દાને લઈને પહેલા ઈન્સ્ટાગ્રામ અને પછી સોશિયલ સાઈટ પર ચર્ચા થઈ હતી.
સોશિયલ મિડિયા પર વીડીયો
મેહુલનો વીડિયો સોશિયલ મિડિયા પર શેર કરીને યુઝરે ફરિયાદ કરતા લખ્યું છે કે, આ વ્યક્તિ ટીડી બેંક ઑફ કેનેડામાં ડેટા સાયન્ટિસ્ટ છે. વાર્ષિક પગાર 98,000 ડોલર (એટલે કે અંદાજે 81 લાખ) છે અને જુઓ કે તે કેટલા ગર્વથી કહી રહ્યો છે કે તેને ચેરિટી ફૂડ બેંકમાંથી કેટલું મફત ભોજન મળે છે. દાવો કરવામાં આવી રહ્યો છે કે આ વિરોધ બાદ મેહુલને કેનેડામાં નોકરીમાંથી કાઢી મૂકવામાં આવ્યો હતો. જો કે આ વાતની અમે પુષ્ટી કરતા નથી.
વધુ વાંચો : કેમિકલયુક્ત રંગોની આડઅસરથી બચવા આ ઉપાય અપનાવશો તો સ્કીનને નહીં આવે આંચ
એક અહેવાલ મુજબ મેહુલના પરિવારે આ વાતને નકારી કાઢી છે. તે કહે છે કે મેહુલે કંપનીમાં માત્ર ઇન્ટર્નશિપ કરી હતી, જે ગયા વર્ષે ડિસેમ્બરમાં પૂરી થઈ હતી. તેની પાસે કોઈ નોકરી નથી.હવે તમે વિચારતા હશો કે આ વ્યક્તિએ એવું શું કહ્યું જેના કારણે તેણે કથિત રીતે નોકરી ગુમાવી દીધી. મેહુલ પ્રજાપતિ નામના આ વ્યક્તિએ કહ્યું કે જ્યાંથી તેને મફતમાં ખોરાક મળે છે તે વાસ્તવમાં ચેરિટી ફૂડ બેંકો છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
