હિટ ટેલિવિઝન શો 'યે હૈ મોહબ્બતેં સે'થી પ્રખ્યાત થયેલી અભિનેત્રી ક્રિષ્ના મુખર્જી છેલ્લે શહેઝાદા ધામી સાથે ટીવી શો 'શુભ શગુન'માં જોવા મળી હતી અને ત્યારથી અભિનેત્રીએ ટીવીમાંથી બ્રેક લઈ લીધો છે. હવે અભિનેત્રીએ શો છોડવા પાછળના કારણનો ખુલાસો કર્યો છે. શનિવારે કૃષ્ણા મુખર્જીએ તેમના ઇન્સ્ટાગ્રામ પર એક પોસ્ટ શેર કરી અને 'શુભ શગુન'ના નિર્માતા પર તેને હેરાન કરવાનો અને ધમકી આપવાનો આરોપ લગાવ્યો છે. તેણે તેના પર બાકી ચૂકવણી ન કરવાનો આરોપ પણ લગાવ્યો, જેના કારણે તેણે શૂટિંગ બંધ કરી દીધું.
અભિનેત્રીએ કહ્યું કે નિર્માતાના કારણે તે છેલ્લા કેટલાક મહિનાઓથી ડિપ્રેશન અને ચિંતામાંથી પસાર થઈ રહી છે અને તેણે દાવો કર્યો કે તેને શોના સેટ પર હેરાન કરવામાં આવી હતી. તેણે વધુમાં કહ્યું કે નિર્માતાએ તેને મેક-અપ રૂમમાં બંધ કરી દીધી, જ્યારે તે કપડાં બદલી રહી હતી ત્યારે દરવાજો ખખડાવ્યો અને ઘણી વખત તેને ધમકી આપી.
શો કરવો એ સૌથી ખરાબ નિર્ણય
અભિનેત્રીએ પોતાની પોસ્ટમાં લખ્યું કે, મારા મનની વાત કહેવાની મારામાં ક્યારેય હિંમત નહોતી, પરંતુ આજે મેં નક્કી કર્યું છે કે હવે હું રોકાઈશ નહીં. હું મુશ્કેલ તબક્કામાંથી પસાર થઈ રહી છું અને છેલ્લું દોઢ વર્ષ મારા માટે બિલકુલ સરળ નહોતું. હું ઉદાસ અને બેચેન છું અને જ્યારે હું એકલી હતી તો દિલ ખોલીને રડતી હતી. આ બધું ત્યારે શરૂ થયું જ્યારે મેં દંગલ ટીવી માટે મારો છેલ્લો શો 'શુભ શગુન' કરવાનો શરૂ કર્યો. તે મારા જીવનનો સૌથી ખરાબ નિર્ણય હતો. હું ક્યારેય આ કરવા માંગતી ન હતી, પરંતુ મેં બીજાની વાત સાંભળી અને કરાર પર સહી કરી દીધી.
શોના નિર્માતાએ કરી હેરાનગતિ
તેણે આગળ લખ્યું, પ્રોડક્શન હાઉસ અને પ્રોડ્યુસર કુંદન શાહે મને ઘણી વાર હેરાન કરી છે. એક વખત તેઓએ મને મારા મેક-અપ રૂમમાં બંધ કરી દીધી, કારણ કે હું અસ્વસ્થ હતી અને મેં શૂટિંગ ન કરવાનું નક્કી કર્યું, કારણ કે તેઓ મને મારા કામ માટે પૈસા આપતા ન હતા અને હું પણ અસ્વસ્થ હતી, જયારે હું કપડાં બદલી રહી હતી ત્યારે તેઓએ મારા મેક-અપ રૂમનો દરવાજો ખખડાવી રહ્યા હતા જાણે કે તેઓ તોડી નાખશે. આજ સુધી તેઓએ પાંચ મહિનાનું મારું પેમેન્ટ ક્યારેય ચૂકવ્યું નથી અને તે ખરેખર મોટી રકમ છે. હું પ્રોડક્શન હાઉસ અને દંગલ ઑફિસમાં ગઈ છું, પરંતુ તેઓએ ક્યારેય મારી વાત સાંભળી નહીં.
સેટ પર અસુરક્ષિત અનુભવતી હતી અભિનેત્રી
અભિનેત્રીએ ખુલાસો કર્યો કે તે સેટ પર અસુરક્ષિત અનુભવતી હતી અને તેથી તેણે શો છોડી દીધો. તેણે લખ્યું, 'ઘણી વખત ધમકીઓ પણ આપવામાં આવી. આખો સમય હું અસુરક્ષિત અનુભવતી હતી અને મને ડર લાગતો હતો. હું અસુરક્ષિત અનુભવું છું. મેં ઘણા લોકો પાસેથી મદદ માંગી, પરંતુ કંઈ મળ્યું નહીં. આમાં કોઈ કશું કરી શક્યું નહીં. લોકો મને પૂછે છે કે હું કોઈ શો કેમ નથી કરી રહી? આ કારણ છે. મને ડર લાગે છે કે જો ફરીવાર આવું જ થયું તો શું થશે? મને ન્યાય જોઈએ છે.
કૃષ્ણાને મળ્યો સહકલાકારોનો સાથ
જેવું અભિનેત્રીએ ઇન્સ્ટાગ્રામ પર પોસ્ટ શેર કરી તો તેને તેના મિત્રો અને ટીવી ઈન્ડસ્ટ્રીના સહ કલાકારોનો સપોર્ટ મળ્યો. તેઓ અભિનેત્રીના સમર્થનમાં આવ્યા અને તેને કાયદાકીય કાર્યવાહી કરવા કહ્યું. અભિનેતા અલી ગોનીએ કૃષ્ણાને કહ્યું કે તે મુંબઈ આવે ત્યારે પોલીસ ફરિયાદ કરવા તૈયાર રહે. શ્રદ્ધા આર્ય, અદિતિ ભાટિયા, પવિત્રા પુનિયા અને અન્ય લોકોએ તેને આશ્વાસન આપ્યું કે તે લડાઈમાં એકલી નથી.
