VIDEO / ભાવનગર: અલંગનો શિપબ્રેકિંગ ઉદ્યોગ ભાંગી પડ્યો, મંદીના કારણે બેરોજગારીનું પ્રમાણ વધ્યું

Vishal Khamar

Last Updated: 03:20 PM, 21 April 2024

FOLLOW ON

શેર કરો

ભાવનગરનો વિશ્વવિખ્યાત અલંગ શિપબ્રેકિંગ ઉદ્યોગ ફરી મંદીના મારમાં સપડાયો છે. જ્યાં 25 થી વધારે જહાજ ભંગાવા માટે આવતા હતા. ત્યાં હવે 5 પણ નથી આવતા. જેના કારણે હજારો લોકોની રોજી પણ છીનવાઈ છે. ત્યારે કેવા છે. શિપબ્રેકિંગ યાર્ડના હાલ. અને આ હાલત પાછળ કયા પરિબળો છે જવાબદાર.

વિશાળકાય જહાજોના રિસાયક્લિંગ અને ભંગાણ માટે અલંગ વિશ્વવિખ્યાત છે. પરંતુ છેલ્લા કેટલાક વર્ષોમાં અલંગના જાણીતા શિપબ્રેકિંગ ઉદ્યોગને જાણે ગ્રહણ લાગ્યું છે. જેમાં હવે બાકી હતું તે ઇરાન અને ઈઝરાયલ વચ્ચેના યુદ્ધના ભણકાર વાગી રહ્યા છે. સમુદ્રમાં હુથી આતંકવાદીઓના હુમલા વધી રહ્યા છે. આવા અનેક કારણો છે. જેની સીધી અસર અલંગ શીપબ્રેકિંગ યાર્ડ પર પડી રહી છે. સ્થિતિ એવી બની છે કે, દર મહિને 25 જહાજ ભંગાવા માટે આવતા હતા. ત્યાં હવે માત્ર 5 જહાજ આવી રહ્યા છે. અને અલંગ ઉદ્યોગ જાણે પડી ભાંગવાની કગારે પહોંચી ગયો છે.

મહિનામાં માત્ર 5 જહાજ આવે છે ભંગાવા
હાલ સ્થિતિ એવી પણ બની છે કે, ડોલરના ભાવ આસમાને પહોંચ્યા છે. અને આ કારણે વેપારીઓને જહાજોના વધુ રૂપિયા ચૂકવવા પડી રહ્યા છે. તેવામાં વેપારીઓ માટે તો થોભો અને રાહ જુઓની નીતિ અપનાવવા સિવાય કોઈ રસ્તો નથી બચ્યો. સરકાર સહાય તો કરે છે. પરંતુ આંતરરાષ્ટ્રીય પરિબળો આ ઉદ્યોગની ગાડીને પાટે ચડવા નથી દેતી. એટલું જ નહીં હજારો પરપ્રાંતિઓએ કામ ન મળતા વતન તરફ હિજરત કરી છે.

વધુ વાંચોઃ ભાવનગરમાં AAP ઉમેદવારનું અને અમરેલીમાં કોંગ્રેસ ઉમેદવારનું ફોર્મ મંજૂર, ચૂંટણી અધિકારીની લીલી ઝંડી

ડોલરના વધતા ભાવે વેપારીઓની વધારી ચિંતા
હાલ તો અલંગ શિપબ્રેકિંગ યાર્ડની સ્થિતિ એક સાંધે ત્યાં 13 તૂટે તેવી બની છે. દરિયામાં આવતા ભરતી-ઓટની જેમ આ ઉદ્યોગ પણ હાલક-ડોલક થઈ રહ્યો છે. જેના કારણે ઉદ્યોગકારોની ચિંતાઓ સતત વધતી જઈ રહી છે.