VIDEO / અમદાવાદીઓ જોઈ જોઈને ખાજો ખારી, જાણીતી બેકરીની ખારીમાંથી નીકળી જીવાત, દુકાન સીલ

ખાણી પીણીની વસ્તુઓમાં જીવાત નીકળવાની ઘટનાઓ અવાર-નવાર સામે આવતી રહે છે.. મોટાભાગના કિસ્સાઓમાં ગ્રાહકો ફરીયાદ કરવાનું ટાળતા હોય છે.. પરંતુ જો ગ્રાહક જાગૃત થઇ ફરીયાદ કરે તો તે પોતાની સાથે-સાથે અન્ય લોકોના સ્વાસ્થ્યના પણ હિતમાં હોય છે.

ખારી બિસ્કીટ ખાધા બાદ બાળકની તબિયત બગડી

વાત કરીએ ગોમતીપુરમાં આવેલી જન્નત બેકરીના નામથી ચાલતી દુકાનની. . જેમાં બેકરીનો દુકાનદાર કેટલાય દિવસોની પડી રહેલી જીવાતવાળી ખારી બિસ્કીટનું વેચાણ કરતો હતો. દરમ્યાન એક બાળકની આ ખારી બિસ્કીટ ખાધા બાદ તબિયત બગડી હતી.. આ અંગે તુરંત આરોગ્ય વિભાગનો સંપર્ક કરવામાં આવ્યો હતો.. જે બાદ આરોગ્ય વિભાગના કર્મચારીઓ બેકરીની દુકાન પર પહોંચ્યા હતા અને તપાસ હાથ ધરી હતી

આ પણ વાંચોઃ 'વંટોળિયા અને ધૂળની આંધી આવશે', હવામાન નિષ્ણાંત પરેશ ગોસ્વામીએ કરી ચોમાસાની આગાહી

આરોગ્ય વિભાગે બેકરીને સીલ મારી દીધું

તપાસ દરમ્યાન સામે આવ્યુ હતું કે દુકાનદાર કેટલાય દિવસો જુની અખાદ્ય ખારી વેચી રહ્યો હતો.. તપાસમાં ખારી બિસ્કીટ પર રીતસરની જીવાતો ફરતી જોવા મળી હતી.. જે બાદ આરોગ્ય વિભાગે કડક કાર્યવાહી કરતા બેકરીને સીલ કરી દીધી હતી.