મહામંથન / મતદાનથી હાર-જીતના ગણિત કઈ રીતે નક્કી થાય ? ઉમેદવારો અકળામણમાં, કોનું ટેન્શન વધારશે?

ગુજરાતમાં મતદાન પછી ઉમેદવારો અને પક્ષોમાં ગણગણાટ છે. ગુજરાતમાં મતદાનની સરેરાશ ગત લોકસભા કરતા ઓછી છે.. શહેરી વિસ્તારોમાં મતદાનનું પ્રમાણ ઓછું નોંધાયું છે. ગ્રામ્ય વિસ્તાર, અંતરિયાળ વિસ્તારમાં મતદાનનું પ્રમાણ શહેરી વિસ્તારની સરખામણીએ વધું છે. જેને લઇને ઉમેદવારો પોતાના ક્યાસ લગાવી રહ્યા છે. રાજકીય પક્ષો પણ વિવિધ સમીકરણ તપાસી રહ્યા છે. ઉમેદવારો કે પક્ષો પણ મતદાન અંગે ખોંખારીને કંઇ બોલી નથી રહ્યા. નિરસ મતદાન પાછળ ગરમીના પરિબળને જવાબદાર ગણીને સંતોષ માને છે

મતદાન પછી જે બેઠકોની સૌથી વધુ ચર્ચા થઇ રહી છે, તેમા બનાસકાંઠા, વલસાડ, આણંદ, સાબરકાંઠા, રાજકોટ અને જામનગરના નામ છે.

મતદાનની સ્થિતિ પર નજર કરીએ તો સૌથી વધુ મતદાન વલસાડમાં (72.24 ટકા) નોંધાયું છે, અને સૌથી ઓછુ મતદાન અમરેલી (49.44)માં નોંધાયું છે. છેલ્લી ત્રણ લોકસભા ચૂંટણીના મતદાનના આંકડાઓ પર નજર કરીએ તો 2014માં 63.66 ટકા મતદાન થયું હતું.. 2019માં 64.51 ટકા મતદાન થયું. જ્યારે 2024માં એટલે કે આ વખતે 59.51 ટકા મતદાન નોંધાયું

રાજ્યની કઈ બેઠક ઉપર સરેરાશ કેટલું મતદાન થયું છે તેના પર નજર કરીએ

વલસાડ 72.24%

ભરૂચ 68.75%

બનાસકાંઠા 68.44%

છોટાઉદેપુર 67.78%

બારડોલી 64.59%

આણંદ 63.96%

સાબરકાંઠા 63.04%

વડોદરા 61.33%

નવસારી 59.66%

રાજકોટ 59.60%

ગાંધીનગર 59.19%

મહેસાણા 59.04%

જૂનાગઢ 58.80%

દાહોદ 58.66%

પંચમહાલ 58.65%

પંચમહાલ 58.65%.88%

ખેડા 57.43%

જામનગર 57.17%

સુરેન્દ્રનગર 54.77%

અમદાવાદ (w) 54.43%

અમદાવાદ (E) 54.04%

ભાવનગર 52.01%

પોરબંદર 51.79%

અમરેલી 49.44%

ક્ચ્છ 55.05%

બનાસકાંઠા બેઠકની વાત કરીએ તો આ એક એવો જિલ્લો છે જેની તમામ વિધાનસભા બેઠકો પ ર વધુ મતદાન નોંધાયું છે. થરાદમાં 77 ટકા મતદાન નોંધાયું હતું.. અમદાવાદની વિધાનસભા બેઠકોમાં સરેરાશ ઓછું મતદાન નોંધાયું હતું. અમદાવાદમાં મતદારોનો જોઇએ તેવો ઉત્સાહ જોવા ન મળ્યો. ગાંધીનગર વિધાનસભાની બેઠકોમાં એકંદરે સારુ મતદાન થયું. આણંદની 3 વિધાનસભા બેઠકો ઉપર 60 થી 65% મતદાન થયું. ભરૂચ, છોટાઉદેપુરની વિધાનસભા બેઠકો ઉપર પણ વધુ મતદાન નોંધાયું. જ્યારે કપરાડા, નિઝર, ડેડિયાપાડા વિધાનસભામાં 80% આસપાસ મતદાન નોંધાયું