NULL / માયાનગરીના હાલ બેહાલ મુંબઈ થયું પાણી-પાણી ટ્રેન વ્યવહાર ખોરવાયો

vtvAdmin

Last Updated: 05:12 PM, 30 March 2019

FOLLOW ON

શેર કરો

NULL

મુંબઇઃ ભારે વરસાદના કારણે માયાનગરી મુંબઈની ગતિ ધીમી પડી ગઈ છે. મુંબઈના મોટા ભાગના વિસ્તારો પાણીમાં ગરકાવ થઈ ગયા છે. ત્યારે હજુ પણ એવા કેટલાક લોકો છે જે પોતાના ઘર સુધી નથી પહોંચી શક્યા. લોકલ ટ્રેન બેસ્ટ બસ અને રિક્ષાની સેવા ખોરવાઈ જતાં લોકોએ રેલવે સ્ટેશનમાં કે બસ સ્ટેશનમાં જ રાત વિતાવવી પડી. આવા જ કેટલાક રોષે ભરાયેલા લોકોએ CST રેલવે સ્ટેશન પર એકઠા થયા.

જોકે રેલવે તંત્ર ટ્રેન સેવા ક્યારે શરૂ થશે. કે નહીં તે અંગે કોઈ જ માહિતી ન આપતાં લોકોએ હોબાળો મચાવી દીધો. જોકે બાદમાં પોલીસે તમામ લોકોને રેલવે સ્ટેશનથી બહાર કાઢયા હતા. જોકે વરસાદે તંત્રની પોલ ખોલી દીધી છે. પાણીનો યોગ્ય નિકાલ ન થતાં મુંબઈકરો હેરાન પરેશાન થઈ ગયા છે. લોકલ ટ્રેન સેવા ખોરવાતા લોકો હજુ પણ અનેક જગ્યાએ ફસાયેલા છે. જેમાં ભારે રોષ જોવા મળી રહ્યો છે.

ભારે વરસાદના કારણે મુંબઈની જનજીવન અસ્તવ્યસ્ત થઈ ગયું હતું. જોકે હવે ધીરે ધીરે મુંબઈની ગાડી પાટા પર પરત ફરી રહી છે. વેસ્ટર્ન લાઈન પર લોકલ ટ્રેન શરૂ કરવામાં આવી છે. જોકે હજુ પણ કેટલાક વિસ્તારોમાં લોકલ ટ્રેન સેવા ઠપ્પ છે. CSTથી ઘાટકોપર સુધી લોકલ લાઈન શરૂ થઈ ગઈ છે. જોકે હાર્બર લાઈન હજુ પણ ઠપ છે. લોકોની મુશ્કેલીને જોતા બેસ્ટ બસની સર્વિસ પણ શરૂ કરી દેવામાં આવી છે. જોકે આજે પણ મુંબઈમાં ભારે વરસાદની આગાહી છે. મુંબઈમાં તમામ શાળા અને કોલેજોમાં રજા જાહેર કરી દેવામાં આવી છે.

સંકળાયેલા મુદ્દાઓ