જીંદગીના અંતિમ શ્વાસ ગણતી મહિલાને ડોક્ટરોએ બચાવી લીધી છે. મહિલાને તબીબોએ ભૂંડની કિડની નાખી જીવનદાન આપ્યુ છે. એનવાયયુ લેંગોન ટ્રાન્સપ્લાન્ટ ઇન્સ્ટિટ્યૂટના ડાયરેક્ટર ડૉ. રોબર્ટ મોન્ટગોમેરીએ કહ્યું કે હું આશ્ચર્ય ચકિત છું કેમકે પ્રાણીના અંગ વડે લિસાનો જીવ બચી ગયો છે. મેડિકલ સાયન્સ એ હદે આગળ વધી રહ્યું છે કે હવે તે પ્રાણીઓના અંગોનો ઉપયોગ કરીને માનવ જીવન બચાવી રહ્યું છે. અમેરિકામાં એક ચોંકાવનારો કિસ્સો પ્રકાશમાં આવ્યો છે જેમાં બે ગંભીર બીમારીઓથી પીડિત મહિલામાં ડુક્કરની કિડની અને હૃદયનું ઉપકરણ ટ્રાન્સપ્લાન્ટ કરવામાં આવ્યું છે. આ પહેલા અમેરિકામાં ડુક્કરની કીડની પણ એક માણસમાં ટ્રાન્સપ્લાન્ટ કરવામાં આવી હતી.
પ્રાણીના અંગ વડે લિસાનો જીવ બચાવ્યો
આ મામલો અમેરિકાના ન્યુ જર્સીમાં રહેતી 54 વર્ષની લિસા પિસાનોનો છે, જેનું હૃદય અને કિડની બંને છેલ્લા સ્ટેજ પર પહોંચી ગયા હતા. ડોકટરોએ પોતાનો કરિશ્મા બતાવીને લીસાને મોતથી બચાવી હતી. વિશ્વમાં આ પહેલો કિસ્સો છે જેમાં ડોક્ટરોએ કિડની અને હાર્ટ ડિવાઈસ ટ્રાન્સપ્લાન્ટ કરીને મહિલાનો જીવ બચાવ્યો છે. આ ટ્રાન્સપ્લાન્ટ પછી મહિલા સંપૂર્ણપણે સ્વસ્થ છે. એનવાયયુ લેંગોન ટ્રાન્સપ્લાન્ટ ઇન્સ્ટિટ્યૂટના ડાયરેક્ટર ડૉ. રોબર્ટ મોન્ટગોમેરીએ કહ્યું કે તેઓ માની શકતા નથી કે તેમણે પ્રાણીના અંગ વડે લિસાનો જીવ બચાવ્યો હતો. ડૉક્ટરે કહ્યું કે યુનાઇટેડ સ્ટેટ્સમાં લગભગ 808,000 લોકોની કિંડનીની બિમારી અંતિમ તબક્કામાં છે, પરંતુ ગયા વર્ષે માત્ર 27,000 લોકોનું જ ટ્રાન્સપ્લાન્ટ કરાયું છે. ડો.રોબર્ટ મોન્ટગોમેરીએ જણાવ્યું હતું કે આ અમારી વૈજ્ઞાનિક સિદ્ધિની મહાનતા છે કે અમે લિઝાને નવું જીવન આપ્યું છે.
વધુ વાંચો : હોટલમાં ગર્લફ્રેન્ડ સંગ નેતાના રંગરેલિયા, પત્ની 'કબાબની હડ્ડી' બનીને આવી, મજા બગાડી નાખી
પિગ કિડની ટ્રાન્સપ્લાન્ટ પછી મહિલાની સ્થિતિ કેવી છે?
એક મિડિયા અહેવાલ મુજબ 54 વર્ષીય લિસા પિસાનોનો જીવ બચાવવા તેને ડૂંકરની કિડની ટ્રાન્સપ્લાન્ટ થયું છે અને તેની હાલત પણ સારી છે. લિસાની કિડની છેલ્લા સ્ટેજ પર હતી અને તેના હૃદયે પણ કામ કરવાનું બંધ કરી દીધું હતું. ડોક્ટરોના જણાવ્યા અનુસાર, જો લિસાને પરંપરાગત કિડની ટ્રાન્સપ્લાન્ટ કરાવવામાં આવી હોત તો તેનું જીવવું મુશ્કેલ હતું, તેથી તેને ડુક્કરની કિડની ટ્રાન્સપ્લાન્ટ કરવામાં આવી છે. લિસા છેલ્લા કેટલાક સમયથી માનવ કિડની મેળવવાની રાહ જોઈ રહી હતી પરંતુ તેને કિડની મળી શકી ન હતી. લાંબા સમય સુધી રાહ જોવાના કારણે તેમની કિડની અને હૃદય બંને ફેલ થઈ ગયા હતા. ડોક્ટરોના જણાવ્યા અનુસાર કિડની ટ્રાન્સપ્લાન્ટ બાદ લિસાની કિડનીએ પણ યુરીન બનાવવાનુંશરૂ કરી દીધું છે.
