આઈપીએલ / VIDEO : કોહલી સદી ચૂક્યો પણ બનાવ્યો આ મોટો રેકોર્ડ, ગુસ્સામાં બેટ પટકીને ચાલતો થયો

IPLમાં શાનદાર ફોર્મમાં ચાલી રહેલો વિરાટ કોહલી પંજાબ કિંગ્સ સામે સદીથી ચૂકી ગયો હતો. વિરાટ કોહલી પાસે સિઝનની બીજી સદી ફટકારવાની તક હતી, પરંતુ 18મી ઓવરમાં અર્શદીપ સિંહે પેવેલિયનનો રસ્તો બતાવ્યો હતો. કોહલીએ 47 બોલમાં 7 ફોર અને 6 સિક્સની મદદથી 92 રન બનાવ્યા હતા. કોહલી ભલે સદીથી 8 રન દૂર રહ્યો હોય પરંતુ તેમ છતાં તેણે ઇતિહાસ રચ્યો હતો.

IPLમાં 3 ટીમો સામે પૂરા કર્યાં 1000 રન

હકીકતમાં કોહલીએ 92 રનની ઈનિંગ દરમિયાન પંજાબ સામે આઈપીએલમાં એક હજાર રન બનાવવાની સિદ્ધિ પણ બતાવી હતી. આ રીતે કોહલી આઇપીએલમાં 3 ટીમો સામે 1000 રન બનાવનારો પ્રથમ બેટ્સમેન બન્યો હતો. અગાઉ કોહલીએ દિલ્હી કેપિટલ્સ અને ચેન્નાઈ સુપર કિંગ્સ સામે આ મોટી સિદ્ધિ મેળવી હતી.

વધુ વાંચો : VIDEO: શરમજનક હાર બાદ કેએલ રાહુલને ટીમ માલિકે ખખડાવી નાખ્યો? ક્લાસ લેતો વીડિયો વાયરલ

8 રન ચૂકી જતા કોહલીએ બેટ પછાડ્યું

8 રને સદી ચૂકી જતાં કોહલી ગુસ્સે થતો જોવા મળ્યો હતો અને બેટ પછાડયું હતું. તેણે 47 બોલમાં 7 ચોગ્ગા અને 6 છગ્ગાની મદદથી 92 રન કર્યાં હતા. સાથે કોહલીની ચાલુ સિઝનમાં 600 રન પણ પૂરા થયાં હતા.