IPL 2024 / કોણ છે આ સિક્સર કિંગ શશાંક સિંહ? જેને 28 બોલમાં ફટકાર્યા 8 છગ્ગા, બે ચોગ્ગાની મદદથી કર્યા 68 રન

ગઈ કાલે પંજાબની ટીમે પુરૂષ ટી20 ક્રિકેટ ઈતિહાસનો સૌથી મોટો સફળ રન ચેઝ કરવાનો રેકોર્ડ બનાવી નાખ્યો. આ મેચમાં પંજાબ કિંગ્સની ટીમને 262 રનોનો ટાર્ગેટ મળ્યો હતો. જેને તેમણે 18.4 ઓવરમાં જ 2 વિકેટના નુકસાન પર પાર કરી નાખ્યો.

પંજાબ કિંગ્સની આ જીતમાં 32 વર્ષના બેટ્સમેન શશાંક સિંહે ખૂબ જ શાનદાર બેટિંગ કરી અને 28 બોલમાં 68 રનોની અણનમ ઈનિંગ રમી. જેમાં તેમણે 8 છગ્ગા લગાવ્યા. શશાંતે આ આઈપીએલ સીઝનમાં પોતાના બેટથી અત્યાર સુધી બધાને ખૂબ જ પ્રભાવિત કર્યા છે.

કોણ છે શશાંક સિંહ?

શશાંક સિંહને લઈને વાત કરવામાં આવે તો 32 વર્ષના આ ખેલાડી ઘરેલુ ક્રિકેટમાં છત્તીસગઢની ટીમ માટે રમે છે. શશાંક સિંહનો જન્મ ભિલાઈમાં થયો હતો. વર્ષ 2015માં શશાંકને મુંબઈ માટે સૈયદ મુશ્તાક અલી ટ્રોફી અને વિજય હજારે ટ્રોફીમાં રમવાનો મોકો મળ્યો. જોકે ફર્સ્ટ ક્લાસ ક્રિકેટમાં મોકો ન મળવા પર શશાંકે છત્તીસગઢની ટીમથી રમવાનો નિર્ણય કર્યો.

આઈપીએસમાં શશાંક સિંહ અત્યાર સુધી રાજસ્થાન રોયલ્સ અને સનરાઈઝર્સ હૈદરાબાદની ટીમનો ભાગ પણ રહી ચુક્યા છે. પરંતુ તેમને તે સમય દરમિયાન વધારે મેચ રમવાનો મોકો નથી મળ્યો. શશાંકે આ સીઝન પંજાબની ટીમથી તક મળવા પર સૈથી પહેલા પોતાની પ્રતિભાનો પરિચર મુંબઈ ઈન્ડિયન્સની સામે મેચમાં આપી દીધો.

વધુ વાંચો: KKR vs PBKS: 42 છગ્ગા, 523 રન અને વર્લ્ડ રેકોર્ડ રનચેઝ..., T20 ઈતિહાસમાં પ્રથમવાર તૂટ્યો સિક્સરનો રેકોર્ડ

જેમાં તેમણે 29 બોલમાં 61 રનોની ઈનિંગ રમવાની સાથે ટીમને એવી સ્થિતિથી મેચ જીતાવી જેની કોઈએ કલ્પના પણ નહીં કરી હોય. આ ઈનિંગ બાદ શશાંકને લઈને સૌથી વધારે ચર્ચા જોવા મળી રહી હતી અને હવે તે પંજાબ કિંગ્સ ટીમનો મહત્વનો ભાગ બની ગયા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો