NULL / ચીની કંપનીઓ પણ ઇચ્છે છે કે ગુજરાતમાં BJPને જીત મળે જાણો કેમ?

vtvAdmin

Last Updated: 05:38 PM, 30 March 2019

FOLLOW ON

શેર કરો

NULL

ગુજરાત વિધાનસભાની ચૂંટણીને લઇને આવેલા તમામ એક્ઝિટ પૉલમાં ભારતીય જનતા પાર્ટી ફરી એક વખત સત્તામાં આવી શકે તેવી સંપૂર્ણ શક્યતા છે. પરતું 18 ડિસેમ્બરના દિવસે આવનારા પરિણામની દેશમાં જ નહી પરંતુ વિદેશમાં પણ રાહ જોવાઇ રહી છે. પડોશી દેશ ચીન પણ ગુજરાત વિધાનસભાની ચૂંટણીના પરિણામ માટે આતુરતાથી રાહ જોઇ રહ્યા છે. ચીની કંપનીઓ ઇચ્છે છે કે ફરી એક વખત પ્રધાનમંત્રી નરેન્દ્ર મોદીની જીત થાય. જેનું કારણે એ છે કે જો BJP જીતશે તો મોદીની આર્થિક રિફોર્મ્સની પ્રક્રિયા ચાલુ રહેશે.

ચીનના પેપર ગ્લોબલ ટાઇમ્સમાં કહેવામાં આવ્યુ છે કે જો ગુજરાતમાં મોદી સરકારને જીત મળે છે તો તેમનો આર્થિક રિફોર્મની પ્રવૃતિ ચાલુ રહી શકે છે. જેથી ચીની કંપનીઓ પણ આ ચૂંટણીની રાહ જોઈ રહ્યા છે. છેલ્લા કેટલાક સમયથી ચીનનું ભારતમાં રોકાણ વધ્યું છે. ઘણી ચીની કંપનીઓને વિશ્વાસ છે કે ભારત એક નવું અને મોટુ બજાર બનીને સામે આવી રહ્યું છે. આ સંજોગોમાં મોદી સરકાર આર્થિક નિર્ણયો લઈ રહી છે જે ચીની કંપનીઓ માટે ફાયદાકારક સાબિત થઈ શકે છે.

ચીની કંપનીઓને ડર છે કે જો ગુજરાતમાં મોદી સરકારની હાર થાય તો કેન્દ્રમાં તેમના દ્વારા લેવામાં આવેલા કડક આર્થિક નિર્ણયો ઉપર પણ બ્રેક લાગી શકે છે. કારણ કે ગુજરાત પછી અન્ય રાજ્યોમાં પણ ચૂંટણી થવાની છે. ચૂંટણીના પરિણામ પછી અન્ય રાજ્યોમાં પણ BJPને ઝટકો લાગી શકે છે જે ચીન માટે મુશ્કેલી ઊભી કરશે.ગ્લોબલ ટાઈમ્સ પ્રમાણે ભારતમાં ચીની કંપનીઓને ગુજારતના પરિણામ માટે તૈયાર રહેવું જોઇએ. જોકે પરિણામ આવનારા સમયમાં આર્થિક નિર્ણયોઓનો રસ્તો નક્કી કરશે.

તમને જણાવી દઇએ કે ગુજરાત અને હિમાચલ પ્રદેશની ચૂંટણીના પરિણામ 18 ડિસેમ્બરે આવશે અત્યારે જે એક્ઝિટ પૉલ આવ્યા છે તેમાં મોટેભાગની એજન્સીઓના એક્ઝિટ પૉલમાં BJPને સંપૂર્ણ બહુમત મળશે.

સંકળાયેલા મુદ્દાઓ