VIDEO: રાહુલની બટાટા અને સોનાના ઉત્પાદનની સ્પીચ વાયરલ

ભાજપ દ્વારા રાહુલ ગાંધીની સ્પીચનો એક વીડિયો વાયરલ કરવામાં આવ્યો છે અને તેમાં રાહુલ ગાંધી બટાટાના મશીનમાં સોનાનું ઉત્પાદન કેવી રીતે થાય તે અંગે સમજાવી રહ્યા છે. રાહુલ ગાંધી એમ કહી રહ્યા છે કે એવું મશીન લાવવામાં આવશે જેમાં એક તરફ બટાટા નાંખવામાં આવશે અને બીજી તરફ સોનાનું ઉત્પાદન થશે. 

જોકે આ વીડિયો અને તેમની સ્પીચ નરેન્દ્ર મોદી પર આડકતરા પ્રહારની છે પરંતુ ટ્વીટર પર આ વીડિયો જોરદાર વાયરલ થઈ રહ્યો છે અને લોકો તેને રિટ્વીટ કરી રહ્યા છે. પરંતુ વીટીવીએ આ સમગ્ર મામલે પડતાલ કરી અને રાહુલ ગાંધીની આ સ્પીચ પોતાના ડીસા પ્રવાસ દરમિયાન આપી હોવાનું સામે આવ્યુ. 
 

જેમાં તેઓ બટાટા અને સોનાના ઉત્પાદન અંગે કહી રહ્યાં છે કે આ શબ્દો મારા નહીં પરંતુ નરેન્દ્ર મોદીના છે. જોકે આ સ્પીચનો અમુક ભાગ એડિટ કરી દેવામાં આવ્યો છે અને લોકો તેને ટ્વીટ કરી વાયરલ કરી રહ્યા છે.