ઍક્ટર હૃતિક રોશન અને એક્સ્ટ્રેસ કંગના રનૌત વચ્ચે થયેલો વિવાદ બધાને ખબર છે. ગત વર્ષે કંગનાએ રિતિક પર ઘણા સંગીન આક્ષેપો કર્યા હતા. પછી હૃતિકે પણ બકાઈદા આ આક્ષેપોના જવાબ આપ્યા હતા. ત્યાર બાદ આ વિવાદ ઘણા દિવસો સુધી ચાલ્યો હતો.
થોડા દિવસો પહેલા હૃતિક-કંગના સામ સામે આવે એવો એક મૌકો દર્શકોના હાથ લાગ્યો હતો. 13 જાન્યુઆરીએ મુંબઇ પોલીસ દ્વારા 'ઉમંગ 2018' ઇવેન્ટ યોજવામાં આવી હતી. આ કાર્યક્રમમાં બૉલિવૂડના ઘણા સ્ટાર્સ શામેલ થયા હતા. હૃતિક અને કંગનાને પણ ગેસ્ટ તરીકે બોલાવવામાં આવ્યા હતા.
અહેવાલો અનુસાર કંગના પહેલેથી જ શોમાં આવી ગઈ હતી પરંતુ જ્યારે હૃતિકના આગમનની જાણ થઇ તો તે તરત જ ઇવેન્ટથી નીકળી ગઈ હતી. બીજી તરફ એવું પણ કહેવામાં આવે છે કે જ્યારે કંગના શોનો આનંદ માણી રહી હતી ત્યારે હૃતિક રોશન તેની કારમાં લગભગ 30 મિનિટ સુધી બેઠો રહ્યો હતો. કંગનાના જવાની રાહ જોઈ રહ્યો હતો. કંગના ત્યાંથી નીકળી ત્યાર બાદ હૃતિકે કાર્યક્રમમાં પ્રવેશ લીધો હતો અને તેણે એક પર્ફોર્મન્સ પણ આપી હતી.
ગત વર્ષે કંગનાએ એક ઇન્ટરવ્યૂ દરમિયાન હૃતિક સામે ઘણા આક્ષેપો કર્યા હતા. તેમણે કહ્યું હતું કે તે બંને પ્રેમ સંબંધમાં રહ્યા હતા અને હૃતિકે તેમને પ્રપોઝ પણ કરી હતી. જોકે હૃતિકે કંગનાના આક્ષેપોને ફગાવી દીધા હતા.
બીજી બાજુ હૃતિક રોશનની ફરી એકવાર સુઝેન ખાન સાથે લગ્ન કરવાના અહેવાલો બહાર આવી રહ્યા છે. આ નિર્ણયની પાછળનું કારણ તેમનાં બાળકો છે.