મુંબઇઃ અંધેરી ઇસ્ટમાં કાળજું કંપાવનારી ઘટના બની. નવમાં ધોરણમાં અભ્યાસ કરતો 14 વર્ષનો વિદ્યાર્થી મનપ્રીતે કંઇક એવું કર્યું જે દરેક પિતાને પોતાના સંતાન પર નજર રાખવા મજબૂર કરે છે કારણ કે આ વિદ્યાર્થીએ ગેમનું આખરી લેવલ પાર કરવા માટ છઠ્ઠા માળેથી મોતની છલાંગ લગાવી દીધી. મનપ્રીતના મિત્રોનું કહેવું છે કે આ ઘટના સ્યૂસાઇડ ગેમનું પરિણામ છે. છત પરથી છલાંગ લગાવ્યા પહેલા તે બ્લૂ વ્હેલ ચેલેન્જ ગેમ રમી રહ્યો હતો. આ ગેમમાં કુલ 50 લેવલ હોય છે.
ધી બ્લૂ વહેલ ગેમઃ કુલ 50 સ્ટેજ અંતિમ સ્ટેજમાં સ્યુસાઇડ
ધી બ્લૂ વ્હેલ ગેમ રશિયાના 25 વર્ષીય યુવા ફિલિપ બુડેકિને આ ગેમ વર્ષ 2013માં બનાવી હતી. ગેમમાં હાથ પર બ્લેડથી F57 કોતરવાનું કહેવામાં આવે છે. વહેલી સવારે 4:20 કલાકે જાગી ભૂત વીડિયો અથવા ફિલ્મ જોવાનું કહેવામાં આવે છે. સવારમાં સૌથી ઉંચી ઇમારતની છત પર પહોંચવાનું કહેવામાં આવે છે. દરેક લેવલ પુરૂ કરતા હાથ પર એક કાપો મારવાનું કહેવાય છે. ત્યારબાદ છેલ્લે વ્હેલ આકૃતિ બને છે. ગેમમાં 50માં લેવલે પ્લેયર પોતાનો જીવ આપી વિજેતા બનવાનું કહેવામાં આવે છે.
ગેમ બનાવનાર છે જેલમાં
રશિયામાં આ ગેમથી આત્મહત્યા કરનારો પહેલો કેસ 2015માં નોંધાયો હતો. ત્યારબાદથી ગેમ મેકર ફિલિપને જેલ ભેગો કરી દેવામાં આવ્યો છે. તેણે પોતાની વાત જણાવતા કહ્યું કે આ ગેમ સમાજની સફાઇ માટેની છે. આત્યહત્યા કરનારા બાયોલોજિકલ વેસ્ટ હતા.
બ્રિટનમાં ટૂંક સમયમાં ગેમ થશે લોન્ચ
આ ગેમ પર હજી સુધી પ્રતિબંધ લગાવવામાં આવ્યો નથી. ટૂંક સમયમાં જ બ્રિટનમાં લોન્ચ થવા જઇ રહી છે. ત્યાંની સ્કૂલોએ અને કોલેજોએ બાળકોના માતા-પિતાને આ ગેમ અંગે ચેતવણી આપી છે.