બજેટઃ પ્રાથમિક શાળાની છાત્રાઓ માટે વિશેષ જોગવાઇ સેનેટરી પેડ નેપકીન વિના મુલ્યે અપાશે

મહેસાણાઃ જીલ્લા પંચાયત દ્વારા પોતાના બજેટમાં પ્રાથમિક શાળામાં ધોરણ-૭ અને ધોરણ-૮માં અભ્યાસ કરતી વિદ્યાર્થીનીઓ માટે વિશેષ રૂપિયા ૫૦ લાખની જોગવાઈ કરી છે. કિશોરાવસ્થામાં પ્રવેશતી વિદ્યાર્થીનીઓની મુંજવણ અને સમસ્યાને ધ્યાનમાં રાખી જીલ્લા પંચાયત હસ્તકની તમામ પ્રાથમિક શાળાઓમાં સેનેટરી પેડ નેપકીન વિના મુલ્ય આપવામાં આવશે.

ધોરણ-૭ અને ધોરણ-૮ માં અભ્યાસ કરતી વિદ્યાર્થીનીઓને શાળાઓમાં પીરીયડ્સની પ્રાથમિક સમજણ આપવાની સાથે જ શિક્ષિકા દ્વારા સેનેટરી નેપકીનનું વિતરણ કરવા માટે જીલ્લા પંચાયતે બજેટમાં જોગવાઈ કરી છે.

મહેસાણા જીલ્લા પંચાયતના આ નવીન અભિગમમાં શાસક અને વિપક્ષ બંને દ્વારા સહમતી આપવામાં આવી છે. શાળાના માધ્યમથી સેનેટરી નેપકીન વિતરણ કરવાથી તમામ ગરીબ અને જરૂરિયાત મંદ કિશોરીઓની સમસ્યા ઉકેલાઈ જશે.