વડોદરાઃ SOGએ બાતમીના આધારે અટલાદરા કેનાલ રોડ સ્થિત રોઝડેલ વાટિકામાં દરોડો પાડયો હતો. નયના પાઠક અને તેમના પુત્ર સમર્થ પાઠકના ઘરે પાડેલા દરોડમાં પ્રતિબંધિત ડ્રગ્સ ઇન્જેક્શનોનો મોટો જથ્થો મળી આવ્યો હતો. આ આરોપીઓ ઉત્તર પ્રદેશથી ડ્રગના ઈંજેક્શનો લાવતા હતા અને શહેરમાં 150 રૂપિયા પ્રતિનંગના ભાવે વેચતા હતા.
નશાનો આ કાળો કારોબાર ઘણા સમયથી ચાલતો હતો. બાતમીના આધારે SOG સ્ટાફે દરોડો પાડીને માતા પુત્ર અને પુત્રવધૂ પાસેથી 720 નંગ ફોર્ટવિન ડ્રગનો જથો ઝડપી પાડયો હતો.
મહત્વનું છે કે SOG છેલ્લા ઘણા સમયથી શહેરના યુવાનોને પ્રતોબંધિત ડ્રગ્સના રવાડે ચઢાવનાર ડ્રગ ડિલરોના ટ્રેકિંગમાં હતી. જેમાં તેઓએ બાતમી મળતા અટલાદરા કેનાલ રોડ સ્થિત રોઝડેલ વાટિકામાં દરોડા પાડ્યા હતા.
આજ નો યુવાનોને ડ્રગના રવાડે ચડાવનાર પરિવારની મુખ્ય સૂત્રધાર નયના પાઠક ફરૂખાબાદ ખાતેથી મામી નામની 30 વર્ષીય યુવતી પાસેથી 70 રૂપિયાના ભાવે ખરીદીને લાવી હતી. તેનો પુત્ર સમર્થ ખુદ ડ્રગ એડિકટ છે અને શહેરના અન્ય ડ્રગ એડિકટો સહિતના યુવાનો તેના સંપર્કમાં છે. પેન્ટાઝોસીન શિડયુલ ડ્રગ્સનું ચલણ મોટેભાગે યુવક યુવતીઓમાં જોવા મળે છે. આ ઇન્જેક્શનની કિંમત માત્ર 5 રૂપિયા છે. જે તેઓ 100થી 150ના ભાવે વેચાણ કરતા હતા.
SOGએ વોચ રાખી પકડી પાડી ત્રિપુટી
નયનાબેન કે જેઓ ઇન્જેક્શનનો જથ્થો લેવા માટે ફારૂખાબાદ ગયા હતા. ત્યાંથી તેઓ નશીલા ડ્રગ્સના ઇન્જેકસનો ભરેલો થલો વડોદરા રેલવે સ્ટેશન આવતા તેમનો પુત્ર સમર્થ પાઠક તથા પુત્ર વધુ મોનાલી પાઠક નાઓ સ્કોડા કાર લઈને રિસીવ કરવા ગયા હતા. નયનાબેન સાથે લઈને આવેલ થેલામાંથી પેન્ટઝોસીન લેકટેટ ફોર્ટવિન ઇન્જેક્શન લઈ બહાર નીકળતા SOGની ટીમ બહાર વોચમાં બેઠી હતી.
રેલવે સ્ટેશનની બાહર આવતા SOGએ ડ્રગ્સ સાયકોટોપિક સબટનસીસની સૂચિમાં આવતા જેની ગેરકાયદેસર હેરાફેરી કરતા ત્રિપુટીને ઝડપી પાડી હતી.. ત્રિપુટી પાસેથી પેન્ટઝોસીન ઇન્જેક્શન નંગ 720 રૂપિયા 4017 મોબાઈલ ફોન 3 રૂપિયા 25000 રોકડ રૂપિયા 2900 સહિત સ્કોડા કાર રૂપિયા 8 લાખની અને રેલવે ટિકિટ સહિત રૂપિયા 8 31 917 નો મુદ્દમાલ કબ્જે કર્યો હતો. SOGએ ત્રિપુટીને પકડી સયાજીગંજ પોલીસ સ્ટેશનમાં ગુનો દાખલ કરી વધુ તપાસ પોલીસે હાથ ધરી હતી.