VIDEO:અફઘાનીસ્તાનના કાબૂલમાં આતંકી હુમલો 15ના મોતની આશંકા

દિલ્હી:અફઘાનિસ્તાનની રાજધાની કાબુલમાં આવેલી એક હોટલમાં 4 આતંકવાદીઓએ હુમલો કર્યો છે.આતંકવાદીઓએ હોટલમાના સ્ટાફ અને લોકોને બંધક બનાવ્યા છે.આ હુમલો કાબુલની ઇન્ટરકોન્ટિનેંટલ હોટલમાં થયો છે.આ હુમલામાં 4 લોકોના મોતની આશંકા છે.આ હુમલો 4 આતંકવાદીઓએ કર્યો છે.

હોટલના અમૂક ભાગને આતંકવાદીઓએ આગ પણ લગાડી છે.હાલમાં સ્થાનીક સુરક્ષા દળ અને ફાયરફાઇટરો ઘટનાસ્થળે પહોંચીને પરિસ્થિતીને કાબુમાં કરવાની શરૂઆત કરી રહ્યા છે.જોકે હાલમાં પોલીસ અને આંતંકીઓ વચ્ચે સામ- સામે ફાયરિંગ થઇ રહ્યું છે.

સૂત્રો દ્વારા મળેલ માહિતી અનુસાર ઇંટરકોન્ટિનેંટલ હોટલમાં હજુ પણ ભારે ગોળીબાર ચાલી રહ્યો છે. હોટલમાં ફસાયેલા લોકોએ સોશ્યલ મીડિયા પર પણ મદદની અપીલ કરી. હોટલમાંથી બચીન નીકળેલા એક વ્યક્તિએ કહ્યું કે હુમલાખોર અંદર હાજર લોકો પર અંધાધૂંધ ફાયરિંગ કરી રહ્યો છે. 

અ ઘટના અંગે અફઘાન મંત્રાલયના પ્રવકતા નસરત રહિમીએ કહ્યું કે બહુ બધા લોકો મરી ગયા છે અને 6 ઘાયલ થયા છે. હોટલના મેનેજર અહમદ હારિસ નાયાબ એ કહ્યું કે આતંકી હોટલના મુખ્ય ભાગમાં પ્રવેશ કરીને આવ્યા અને ત્યાંથી બચીને નીકળી રહેલા લોકો પર ફાયરિંગ શરૂ કરી દીધું.

હુમલા દરમ્યાન હોટલમાંથી જીવ બચાવીને ભાગવામાં સફળ રહેલા એક પ્રત્યક્ષદર્શી એ કહ્યું કે અહીં 15 લોકોના મોત થયા છે. હોટલના પહેલા અને બીજા માળ પર વધુ નુકસાન થયું છે. હાલ ગોળીબારીનો દહેશત યથાવત છે.ઉલ્લેખનીય છે કે આજ હોટલમાં 2011માં પણ હુમલો થયેલ.