ટૂંક સમયમાં રિલાયન્સ જિયો ઇ-કોમર્સ માર્કેટમાં કરી શકે છે એન્ટ્રી

રિલાયન્સ જિયો ટેલિકૉમ ઇન્ડસ્ટ્રીમાં એન્ટ્રી કરતા જ બાકીની ટેલિકૉમ કંપનીઓને ટક્કર આપી રહી છે. સસ્તા પ્લાન અને ફ્રી ડેટાની મદદથી તેના યૂઝર્સ દિવસેને દિવસે વધી રહ્યા છે. એક રિપોર્ટ અનુસાર રિલાયન્સ જિયો ઇ-કોમર્સ સેગ્મેન્ટમાં એન્ટ્રી કરવાની તૈયારીમાં છે. જોકે  હજપ સુધી રિલાયન્સ જિયોની ઇ-કૉમર્સ વેબસાઇટ અને એપ્સ છે પરંતુ તે તેનાથી અલગ હશે.

રિપોર્ટ્સ અનુસાર આ સર્વિસનું નામ કિરાના હશે અને તેનો પાયલટ પ્રોજેક્ટ પહેલાથી મુંબઇ ચેન્નાઇ અને અમદાવાદમાં શરૂ થઇ ગયો છે તેથી આગામી વર્ષની શરૂઆતમાં તેની જાહેરાત થઇ શકે છે. આ સર્વિસ ન તો સંપૂર્ણ રીતે ઓનલાઇન હશે પરંતુ કહેવાઇ રહ્યુ છે કે ઓનલાઇન ટૂ ઑફલાઇન સ્પેસ હશે. શરૂઆતના સ્ટોરમાં ડેલી યૂઝનો સામાન ખરીદવા માટે ડિજિટલ કપૂનની જરૂર પડી શકે છે જેની મદદથી કિરાના સ્ટોર પરથી ખરીદી શકશો.

ઉલ્લેખનીય છે કે રિલાયન્સ ઇન્ડસ્ટ્રીઝ લિમિટેડ પહેલાથી દેશભરમાં રિલાયન્સ ફ્રેશ રિટેલ ચેનની મદદથી ડેલી યૂઝની સામાન વેચે છે.

સૂત્રોનુસાર કંપની કિરાના સ્ટોર્સની સાથે કામ કરી રહી છે અને એ જ રીતે એક શૉપિંગ મોડલ તૈયાર કરવામાં આવશે જેની હેઠળ જિયો મની પ્લેટફોર્મ પર અને ડિજિટલ કપૂન યૂઝ કરતા ખરીદી કરી શકાશે. કહેવાય છે કે ટેકેસ્ટ મેસેજની પણ સર્વિસ હશે જેનાથી ખરીદી કરી શકાશે.

રિલાયન્સ જિયો હાલમાં પાયલટ પ્રોજેક્ટની મદદથી કંપની બજારને સમજવા ઇચ્છે છે. આ પ્રોજેક્ટમાં ITC ડાબર ટાટા બેવરેજીસ ગોદરેજ કન્ઝ્યૂમર અને અમૂલને શામેલ કરવામાં આવ્યુ છે. હાલમાં સ્પષ્ટતા કરવામાં આવી નથી કે ટ્રાન્જેક્શનનું મોડ કયુ હશે.

વાસ્તવમાં ઑનલાઇન ગ્રોસરી માર્કેટ ધીમે ધીમે વધી રહ્યુ છે અને તેમાં ઇ-કોમર્સ દિગ્ગજ એમેઝોન અને ફ્લિપકાર્ટ ઇનવેસ્ટ કરી રહ્યા છે. આ સાથે જ ઇન્ડિપેન્ટેડ ઑનલાઇન ગ્રોસરી સર્વિસ પણ છે જેમાં ગ્રોફર્સ અને બિગબાસ્ટેક શામેલ છે.

હાલમાં કંપનીએ આ મુદ્દા પર સત્તાવાર કોઇ માહિતી આપી નથી અને આ વાત માત્ર મીડિયા રિપોર્ટ્સ અને સૂત્રોના આધારે ચાલી રહી છે. આ પહેલા પણ સમાચાર આવ્યા હતા કે રિલાયન્સ જિયો કેબ સર્વિસ લાવવાની તૈયારીમાં છે પરંતુ હજુ સુધી આ અંગે કઇ વધારે જાણવા મળ્યુ નથી.