ગુજરાતની મુલાકાતે આવી પહોંચેલ જાપાનના વડાપ્રધાન તેમના ધર્મપત્ની સાથે અમદાવાદના આન્તરરાષ્ટ્રીય હવાઈ મથકે આવી પહોંચ્યા બાદ ભારતના વડાપ્રધાન નરેન્દ્ર મોદી સાથે અમદાવાદના એરપોર્ટથી ગાંધી આશ્રમ સુધી રોડ શો યોજ્યા બાદ ગાંધી આશ્રમની મુલાકાત લેવા આવી પહોંચ્યા હતા.
ગુજરાતની ખાસ મુલાકાતે આવેલા જાપાનના વડાપ્રધાન શિંજો આબે અને જાપાનના ફર્સ્ટ લેડી સાબરમતી ખાતે આવેલ ગાંધી આશ્રમની મુલાકાત લેવા પહોંચ્યા હતા. આ મુલાકાત દરમ્યાન તેમની સાથે ભારતના વડાપ્રધાન નરેન્દ્ર મોદી પણ ખાસ ઉપસ્થિત રહ્યાં હતા.
બન્ને દેશના મહાનુભાવોની ગાંધી આશ્રમની મુલાકાતને પગલે દરેક ધર્મના લોકો પણ ગાંધી આશ્રમ ખાતે આવી પહોંચ્યા હતા.ગાંધી આશ્રમની મુલાકાત દરમિયાન ભારતના વડાપ્રધાન નરેન્દ્ર મોદીએ જાપાની વડાપ્રધાન શિંઝો આબેને ગાંધીજીના જીવન કવન વિષે માહિતી આપી હતી. આ મુલાકાત બાદ જાપાની વડાપ્રધાને હ્રદયકુંજની પણ મુલાકાત લીધી હતી. આ મુલાકાતને અંતે જાપાની વડાપ્રધાન અને તેમના ધર્મપત્નીએ પોતાના સંસ્મરણો આલેખ્યા હતા. ગાંધી આશ્રમની મુલાકાત લીધા બાદ તેઓ હોટલ હયાત જવા રવાના થયા હતા