મુંબઈમાં દેખાયા હથિયારધારી શંકાસ્પદ યુવાનો ટેરર એલર્ટ જાહેર કરાયું

મુંબઈમાં શંકાસ્પદ હથિયારધારી યુવકો દેખાયા હોવાથી હલચલ મચી ગઈ છે. આ શંકાસ્પદ યુવકો કાળાં કપડાં પહેરેલા હતા. આ શંકાસ્પદ યુવાનો દેખાયા બાદ ટેરર એલર્ટ જાહેર કરવામાં આવ્યું છે. સાથે જ નેવીએ સર્ચ ઓપરેશન પણ શરૂ કરી દીધું છે. સાથે જ જાસૂસી એજન્સીઓને પણ એલર્ટ કરી દેવામાં આવ્યા છે. ટાઇમ્સ ઓફ ઇન્ડિયાના જણાવ્યા પ્રમાણે ભારતીય નેવીએ ટેરર એલર્ટ જાહેર કરી દીધું છે.

મળતી માહિતી પ્રમાણે કેટલાક શાળાના બાળકોએ આ શંકાસ્પદ યુવાનોને જોયા હતા. યુવાનો પાસે હથિયારો ખતરનાક હથિયારો હોવાનું બહાર આવ્યું છે. જોકે કેટલા યુવાનો હતા એ હજી સુધી બહાર આવ્યું નથી. માહિતી મળ્યા બાદ તરત જ એલર્ટ જાહેર કરી દેવામાં આવ્યું છે. એન્ટી ટેરર સ્વોડને પણ એલર્ટ કરી દેવાયા છે. હેલિકોપ્ટરથી પણ નિરીક્ષણ કરવામાં આવી રહ્યું છે.