કુતિયાણા વિધાનસભાની બેઠક પર ભાજપ અને કોંગ્રેસને માત આપી NCP ઉમેદવાર કાંધલ જાડેજાએ જીત મેળવી છે.
કાંધલ જાડેજાએ 23 હજાર 600 મતના માર્જીન સાથે ભાજપના ઉમેદવાર લખમણ ઓડેદરા અને કોંગ્રેસ ઉમેદવાર વેજા મોડેદરાને હરાવ્યા છે.
જોકે ભારે બહુમત સાથે જીત મેળવતા કાંધલ જાડેજાનું તેના સમર્થકો દ્વારા ભવ્ય રીતે સ્વાગત કરવામાં આવ્યું હતું. તો મીડિયા સાથે વાત કરતાં કાંધલ જાડેજાએ પોતાના મતદારોનો આભાર વ્યક્ત કર્યો છે.
ઉલ્લેખનીય છે કે ગુજરાત અને હિમાચલ પ્રદેશ ખાતે યોજાયેલ ચુંટણીના પરિણામોની જાહેરાત થવાની હતી તેના કારણે આજે સવારથી જ ગુજરાત સહિત ભારતના તમામ નેતાઓ અને માધ્યમોની નજર ચુંટણીના પરિણામો પર હતી. અંતે ગુજરાત અને હિમાચલમાં ભાજપ વિજયી બન્યું હતું