VIDEO:પતંગ-દોરાના વેપારીને ત્યાં દરોડા ચાઈનીઝ દોરીના 22 કાર્ટૂન કર્યા જપ્ત

મહેસાણામાં પતંગ દોરીના ગોડાઉનમાં દરોડા દરમિયાન પ્રતિબંધિત ચાઇનીઝ દોરીના 22 કાર્ટૂન ઝડપાયા છે. અંદાજીત  5 લાખની કિંમતની ચાઇનીઝ દોરી જપ્ત કરાઇ છે. 

ગોડાઉનના માલિક અને વેપારીને ઝડપી લેવા ચક્રો ગતિમાન કરાયા છે. છત્રાલ રોડ સ્થિત ગોલ્ડન પાર્ક એસ્ટેટ પાસેથી દોરીના કાર્ટૂન ઝડપાયા હતા.



ઉલ્લેખનીય છે કે મહેસાણા જિલ્લા નાયબ પોલીસ અધિક્ષક મંજીતા વણઝારાની સર્તકતાને પગલે મહેસાણા રીડર શાખા અને કડીના પી.આઈ ડી.એસ.પુનડિયા સહિત સ્ટાફે સાથે મળીને સોમવારે મોડી રાતે કડી શહેરના છત્રાલ રોડ સ્થિત ગોલ્ડન પાર્ક એસ્ટેટમા આવેલ પતંગ દોરીના વેપારીના ગોડાઉનમા ઓચિંતી રેડ પાડી હતી.
આ રેડ દરમિયાન પોલીસે પ્રતિબંધિત ચાઈનીઝ દોરીના 22 કાર્ટૂન ઝડપી લેતા શહેરના અન્ય પતંગ દોરીના વેપારીઓમાં પણ ફફડાટ પ્રસરી ગયેલ.

પોલીસે રેડ દરમિયાન અંદાજીત પાંચ લાખની કિંમતની ચાઈનીઝ દોરી ઝડપી લઈ ગોડાઉનના માલીક અને પતંગ દોરીના વેપારી સહિતને શોધવાની તજવીજ હાથ ધરી તેમના વિરૂધ્ધ કાયદેસરની કાર્યવાહી હાથ ધરવા ચક્રો ગતિમાન કરેલ.