સામાન્ય રીતે સાસુ-વહુ અને નણંદ-ભાભીની વચ્ચે રકઝક ચાલતી રહેતી હોય છે અને જો વાત કોઇ બોલિવુડની સેલિબ્રિટીની હોય તો કદાચ આ રકઝક વધી જતી હોય છે... તેવું માનવામાં આવે છે. પરંતુ બોલિવુડમાં એક નણંદ-ભાભીની જોડી એવી છે જેમની વચ્ચે ક્યારેય પણ રકઝક કે વિવાદ થતા નથી પરંતુ બંને બેસ્ટ ફ્રેન્ડ્સ છે.
આ વાતની જાણકારી પટૌડી ખાનદાનની વહુ કરીના કપૂર ખાને આપી છે. જી હા કરીના કપૂર ખાને સોહા અલી ખાનની બૂક 'The Perils Of Being Moderately Famous' ના લોન્ચિંગ દરમિયાન જણાવી હતી. કરીનાએ કહ્યુ કે પોતાના સાસરામાં તે સૌથી વધારે ક્લોઝ સોહા અલી ખાનની સાથે છે. કરીનાએ સોહા વિશે વાત કરતાં કહ્યુ કે ''હું મારા સાસરામાં સૌથી વધારે જેનાથી ઇન્સ્પાયર થતી હોય અને એડમાયર કરતી હોય તે સોહા જ છે..'' કરીનાએ આ આગળ કહ્યુ કે ''સોહા અલી ખાન અને સૈફ અલી ખાન જ્યારે પણ ફેમિલી ડિનર્સ પર આવી છે તો એકબીજા સાથે શું વાત કરે છે તે ક્યારેય હું સમજી શકી નથી. તેઓ કંઇક હાઇ ક્લાસ ઇન્ટેક્ચુઅલ વાતો કરે છે જે મને ખબર પડતી નથી.'' કરીનાએ કહ્યુ કે ''સોહા ખૂબ જ સમજુ અને પરિવારને એકદમ મ્યુચઅલી જોડીને રાખે છે.''
કરીનાએ કહ્યુ કે ઘરમાં કોઇ પણ પ્રકારની મુશ્કેલી આવે છે અને અમારાથી જ્યારે સોલ્યૂશન નથી આવતું ત્યારે અમે લોકો સોહાની સાથે વાત કરીએ છીએ કેમકે તે ઘરમાં તમામ લોકોની ફેવરિટ છે. કરીનાએ કહ્યુ કે ''જો શર્મિલા ટાગોર પછી કોઇ ફેમિલીની લેડી ઑફ ધ હાઉસ છે તો તે સોહા અલી ખાન જ છે.''
સોહા અલી ખાનની ઑટોબાયોગ્રાફી 'The Perils Of Being Moderately Famous'ની લોન્ચિંગ દરમિયાન કરીના કપૂર ખાન અને સોહા અલી ખાન સિવાય શર્મિલા ટાગોર સૈફ અલી ખાન કુનાલ ખેમૂ અને સબા અલી ખાને પણ મીડિયા સાથે વાતચીત કરી હતી. આ તમામ લોકોએ ફેમિલી ફોટોઝ ક્લિક કરાવવા માટે પોઝ આપ્યો હતો.