રિલાયન્સ રિટેલ કંપની ઓછી કિંમતમાં એન્ડ્રોઇડ GO ઓપરેટિંગ સિસ્ટમ પર ચાલતો 4G VoLTE સ્માર્ટફોન લોન્ચ કરવાની યોજના બનાવી રહી છે. આ સ્માર્ટફોન Lyf બ્રાન્ડ હેઠળ માર્કેટમાં ઉતારવામાં આવશે. આ માટે કંપની તાઈવાનની ચિપસેટ મેકર મીડિયાટેક સાથે પાર્ટનરશિપ કરશે.
સૂત્રોનુસાર રિલાયન્સ ઇન્ડસ્ટ્રીઝ આ સ્માર્ટફોનની માટે જિયોફોનના 4G VoLTE ફીચર ફોન વાળી સ્ટ્રેટેજી અપનાવી શકે છે. કંપની આ ફોનમાં રિલાયન્સ જિયો સિમ કાર્ડ સાથે બંડલ્ડ સર્વિસ ઓફર કરી શકે છે. અત્યારે ભારતની જૂની ટેલિકોમ ઓપરેટર્સ સ્માર્ટફોન કંપનીઓ સાથે પાર્ટનરશિપ કરી રહી છે. સૂત્રોનુસાર નવા જિયો સ્માર્ટફોનની કિંમત તેનાથી ઓછી થઇ શકે છે.
સૂત્રોના જણાવ્યા અનુસાર કંપની ટુંક સમયમાં આ 4G સ્માર્ટફોનના લાખો યુનિટ્સ માટે ઓર્ડર આપી શકે છે. જિયો ટેલિકોમ માર્કેટમાં સબસિડી સ્ટ્રેટેજી પર વિશ્વાસ કરે છે જેનાથી મેક્સિમમ લોકો સુધી મોબાઈલ પહોંચાડી શકાય. કંપની આ અપ્રોચનો એન્ડ્રોઈડ GO સ્માર્ટફોન માટે પણ ઉપયોગ કરી શકે છે.
Jioનું આ પગલું ફીચર ફોન યુઝ કરતા લગભગ 50 કરોડ લોકોને ટાર્ગેટ કરવાની સ્ટ્રેટેજી અનુસાર જ છે જે ખર્ચ અને ઉપયોગને લગતી સમસ્યાઓને કારણે સ્માર્ટફોન પર શિફ્ટ નથી થયા. ચિપસેટ વેન્ડરે મુકેશ અંબાણીના 4G ટેલિકોમ ઓપરેટર સાથે આ ડીલની પૃષ્ટિ કરી છે.
Jio સિવાય અમુક દેસી અને ચાઈનીઝ હેન્ડસેટ કંપનીઓ પણ એન્ડ્રોઈડ GO બેસ્ડ અફોર્ડેબલ સ્માર્ટફોન લોન્ચ કરવાની યોજના પર કામ કરી રહી છે. ઉદાહરણ તરીકે માઈક્રોમેક્સ પણ એન્ડ્રોઈડ ગો સ્માર્ટફોનને લગભગ 2000 રુપિયામાં લોન્ચ કરવાની યોજના પર કામ કરી રહી છે. જો કે રિલાયન્સ રીટેલના નવા સ્માર્ટફોનની કિંમત સૌથી ઓછી હોઈ શકે છે.