ટીમ ઇન્ડિયાને સાઉથ આફ્રિકા તરફથી મળેલી 72 રનોની હાર પછી સ્ટાર ઑલરાઉન્ડર હાર્દિક પંડ્યા પોતાના ફેન્સને મેસેજ આપ્યો છે. તેણે મેસેજમાં પોતાના ફેન્સને પ્રોમિસ કરી છે કે સીરિઝની બીજી ટેસ્ટમાં ટીમ ઇન્ડિયા શાનદાર વાપસી કરશે. તમને જણાવી દઇએ કે કેપ્ટાઉન ટેસ્ટમાં પહેલી ઇનિંગમાં તેણે 95 બૉલમાં 14 બાઉન્ડ્રી અને 1 સિક્સર ફટાકારીને 93 રન કર્યા હતા.
હાર્દિક પંડ્યાએ સોશ્યલ સાઇટ ટ્વિટર પર ટ્વીટ કરીને કહ્યુ કે ''પહેલા ટેસ્ટ દરમિયાન તમારી શુભકામનાઓ અને સપોર્ટ માટે આભાર. હારી ગયા તે માટે દુ:ખી છું. અમે બીજી ટેસ્ટમાં શાનદાર વાપસી કરીશું.'' હાર્દિક પંડ્યાના ફેન્સે તેના પરફૉર્મન્સના ખૂબ જ વખાણ કર્યા છે. પંડ્યાએ સારી બેટિંગ કરવાની સાથે સાથે 3 વિકેટ ઝડપી હતી.
તમને જણાવી દઇએ કે ચોથા દિવસે સાઉથ આફ્રિકાએ ભારતની સામે 208 રનનો ટાર્ગેટ આપ્યો હતો. ટાર્ગેટ પૂરો કરવા માટે આવેલી ટીમ ઇન્ડિયા 135 રનના ઑલઆઉટ થઇ ગઇ. સાઉથ આફ્રિકાની જીતના હીરો રહેલા ફાસ્ટ બૉલર વર્નોન ફિલેન્ડરે 42 રન આપીને 6 વિકેટ ઝડપી હતી. ફિલેન્ડરે મેચમાં કુલ 9 વિકેટ લીધી હતી.