ડિઝલની કિંમત 65ને પાર પરંતુ આ રીતે તમે સસ્તામાં ખરીદી શકશો પેટ્રોલ-ડિઝલ

પેટ્રોલ અને ડિઝલની કિંમતમાં ફરી એકવખત વધી ગઇ છે. લગભગ 43 મહિના પછી ફરી દેશમાં ડિઝલની કિંમત 65 રૂપિયા ઉપર પહોંચી ગઇ છે. વાસ્તવમાં આંતરરાષ્ટ્રીય સ્તર પર ક્રૂડ ઑઇલની વધતી કિંમતોને કારણે આ કિંમતમાં વધારો થયો છે. 

શુક્રવારના મુંબઇમાં એક લિટર ડિઝલ માટે તમારે 65.10 રૂપિયા ચૂકવવા પડી રહ્યા છે. ત્યારે દિલ્હીમાં ડિઝલની કિંમત પણ રેકોર્ડ સ્તર પહોંચી ગઇ છે. પેટ્રોલની કિંમતનો આ જ હાલ છે. મુંબઇમાં એક લિટર પેટ્રોલ 77 રૂપિયામાં વેચાઇ રહ્યુ છે જ્યારે દિલ્હીમાં તેની કિંમત 70 રૂપિયાને પાર છે.

તમે પેટ્રોલ-ડિઝલની કિંમત પર તો નિયત્રંણ નથી લાવી શકતા પરંતુ તેના માટેનું પેમેન્ટ કરવાની રીત બદલીને ડિસ્કાઉન્ટ મેળવી છે. જી હા તમે બીજાની સરખામણીએ સસ્તુ પેટ્રોલ-ડિઝલ ખરીદી શકો છો.

સસ્તુ પેટ્રોલ અને ડિઝલ ખરીદવા માટે તમારે રોકડ આપવાની જગ્યાએ ડિજિટલ પેમેન્ટ કરવું પડશે. જી હા ઑઇલ કંપનીઓ તે લોકોને પેટ્રોલ અને ડિઝલની ખરીદી પર ડિસ્કાઉન્ટ આપે છે જે ડિજિટલ પેમેન્ટ કરે છે. 

જો તમે ભીપ એપ અને UPI સહિતના અન્ય ડિજિટલ ટ્રાન્જેક્શના માધ્યમથી પેટ્રોલ અને ડિઝલ ખરીદશો તો તેમને ડિસ્કાઉન્ટ મળશે. પેટ્રોલ પર આ ડિસ્કાઉન્ટ હાલની કિંમતો 0.58 પૈસા હશે. જ્યારે તમે ડિઝલ ખરીદી રહ્યા છો તો 0.48 પૈસાનું ડિસ્કાઉન્ટ મળશે. આ ડિસ્કાઉન્ટ મેળવવા માટે તમારે બીજી કોઇ મહેનત નહી કરવાની રહે માત્ર પેમેન્ટ કરવાની રીત બદલવી પડશે.

કેન્દ્ર સરકાર કેશલેસ ટ્રાન્જેક્શનને પ્રોત્સાહન આપવા માટે એક પ્રોગ્રામ શરૂ કર્યો છે. જો તમે પેટ્રોલ-ડિઝલ માટે કેશલેસ ટ્રાન્જેક્શન કરો છો તો તમને 0.75% પ્રતિ લિટર ડિસ્કાઉન્ટ મળશે. આ માટે તમારે રોકડ પેમેન્ટ છોડીને BHIM એપ યૂઝ કરીને ડિસ્કાઉન્ટ મેળવી શકો છો. જો તમે ભીપ એપનો ઉપયોગ નથી કરતા તો ડેબિટ-ક્રેડિટ કાર્ડની પેમેનટ કરવાનું ઑપ્શન તમારી પાસે છે જેનો ફાયદો હંમેશા મળશે.