હાલના સમયમાં કોઇ પણ વ્યક્તિ પોતાના ફોન વગર રહી શકતું નથી. જ્યાં પણ જાય ત્યાં ફોન બધે સાથે જ લઇને જતાં હોય છે. જો તમને પણ આ કુટેવ પડી ગઇ હોય તો આજે જ છોડી દો નહીં તો જીવ ગુમાવવો પડશે.
જો આપ પોતાનાં મોબાઇલ ફોન ન્હાવા જાવ ત્યારે પણ ઉપયોગ કરો છો તો આ લેખ ધ્યાનથી વાંચો કારણ કે તાજેતરમાં જ એક એવો મામલો સામે આવ્યો છે કે જે આપને ચોંકાવી દેશે...
ન્યૂ મેક્સિકોમાં એક ચોંકાવનારો કેસ સામે આવ્યો છે. અહીં એક છોકરીને સ્નાન કરતી વખતે મોબાઇલ ફોન રાખવો મોંઘો પડી ગયો. આ છોકરી મોબાઇલ લઈને પોતાનાં બાથરૂમમાં જાય છે પરંતુ થોડીક વાર બાદ તેની લાશ તે જ બાથટબમાં પડેલી મળી આવે છે. મૅડિસન કોએવૉસ નામની આ 14 વર્ષીય છોકરીને ન્હાતી વખતે સેલફોનનો ઉપયોગ કરવાની આદત હતી. તે દિવસે પણ તે સ્નાન કરતી વખતે પોતાનો સેલફોન ઉપયોગ કરી રહી હતી ત્યારે જ તેણે જોયું કે મોબાઇલ ડિસ્ચાર્જ થઈ રહ્યો છે. બાથટબમાં બેઠા-બેઠા જ તેણે મોબાઇલ ફોનને ચાર્જિંગ કેબલ સાથે કનેક્ટ કરી દીધો કે તરત જ તેના હાથમાંથી સેલફોન છટકીને પાણીમાં પડી ગયો અને કરંટ લાગવાથી છોકરીનું મોત થઈ ગયું.
છોકરીની દાદીએ જણાવ્યું કે જે હાથમાં તે સામાન્ય રીતે મોબાઇલ ફોન પકડતી હતી તે હાથ સંપૂર્ણપણે દાઝી ચુક્યો હતો. પોલીસે પણ આ બાબતની પુષ્ટિ કરી કે કરંટથી જ તેનું મોત થયું. મૃતક મૅડિસનનાં માતાએ સોશિયલ મીડિયામાં દરેક માતા-પિતાને આ સંદેશ આપ્યો કે તેઓ પોતાનાં બાળકોને ઇલેક્ટ્રૉનિક વસ્તુઓથી દૂર રાખે.