હિતુ કનોડિયા ઈડરથી ચૂંટણી લડશે થરાદથી પરબત પટેલ

ભાજપ દ્વારા પાંચમી યાદી જાહેર કરવામાં આવી છે. ઇડર બેઠક પરથી અભિનેતા નરેશ કનોડિયાના પુત્ર હિતુ કનોડિયા ભાજપ પક્ષ ટિકીટ આપવામાં આવી  છે. તેમણે ઇડર બેઠક પરથી જીતનો વિશ્વાસ વ્યક્ત કર્યો હતો તેમજ ભાજપ 150થી વધુ બેઠકો પર જીતશે તેમ પણ જણાવ્યું હતું.  

બીજીબાજુ પાંચમી યાદીમાં ભાજપના પંકજ દેસાઇનું નડિયાદ બેઠક માટે ઉમેદવાર તરીકે નામ જાહેર થયું છે. આથી કાર્યકરોમાં ખુશીનો માહોલ જોવા મળ્યો હતો. સમર્થકોએ - દેખો દેખો કોન આયા નડિયાદ કા શેર આયાના નારા લગાવ્યા હતા.  



આ બાજુ બનાસકાંઠાની થરાદની બેઠકથી પરબત પટેલે ફોર્મ ભર્યુ હતું. ભાજપના ઉમેદવાર પરબત પટેલે ઉમેદવારી નોંધાવી હતી. કેન્દ્રીય મંત્રી હરિભાઈ ચૌધરી સહિત ભાજપ આગેવાનો હાજર રહ્યાં હતાં.