કોંગ્રેસ આજે ઉમેદવારી નોંધાવશે અર્જૂન મોઢવાડિયા શક્તિસિંહ સહિત અનેક નેતાઓ ફોર્મ ભરશે

કચ્છઃ ચૂંટણીના રણમેદાને લડવા માટે ઉમેદવારો જાહેર થઇ રહ્યા છે ત્યારે કોંગ્રેસે પોતાના 77 ઉમેદવારોની પ્રથમ યાદી જાહેર કરી દીધી છે. બીજી બાજુ ભાજપે કુલ 106 ઉમેવારોની યાદી જાહેર કરી દીધી હતી. ત્યારે બન્ને પક્ષના ઉમેદવારો પોતાની ઉમેદવારી આજથી નોંધાવશે.

આજે કોંગ્રેસના ઉમેદવારો ઉમેદવારી નોંધાવશે. શક્તિસિંહ ગોહિલ માંડવી બેઠક પરથી ઉમેદવારી નોંધાવશે. તો સિદ્ધાર્થ પટેલ ડભોઇથી ઉમેદવારી નોંધાવશે. જયારે જવાહર ચાવડા માણાવદરથી અને પરેશ ધાનાણી અમરેલી બેઠક પરથી ઉમેદવારી ફોર્મ ભરશે. 

ઉલ્લેખનીય છે કે ભાજપના વિજય રૂપાણી રાજકોટની પશ્ચિમ બેઠક પરથી ઉમેદવારી ફોર્મ ભરશે. ત્યારે સુરત પશ્વિમથી પૂર્ણશ મોદી વરાછાથી કુમાર કાનાણી જૂનાગઢથી મહેન્દ્ર મશરૂ ઉનાથી જશા બારડ નાંદોદથી શબ્દશરણ તડવી અને ધારીથી દિલીપ સંઘાણી ઉમેદવારી ફોર્મ ભરશે.