ઢાકા : ઢાકામાં ચાલી રહેલા 10માં એશિયા કપ હોકી ટુર્નામેન્ટમાં પોતાનાં બીજા સુપર 4ની મેચમાં મલેશિયાને 6-2થી હરાવ્યું હતું. ગુરૂવારે ભારતની આ દિવાળીની ગિફ્ટમાં અક્શદીપ સિંહ હરમનપ્રીત સિંહ એસકે ઉથપ્તા ગુરજંટસિંહ એસવી સુનીલ અને સરદારસિંહે 1-1 ગોલ કર્યા હતા.
સુપર 4માં બુધવારે ભારતે દક્ષિણ કોરિયા સામે 1-1થી ડ્રો રમી હતી. આ જીતની સાથે જ ભારતે સુપર 4માં મલેશિયાને નીચે ધકેલીને ફાઇનલમાં પહોંચવાની પોતાની આશા વધારે મજબુત કરી લીધી છે. હાલની ટુર્નામેન્ટમાં અત્યાર સુધી અજેય રહેલી મલેશિયન ટીમે પહેલીવાર હારનો સ્વાદ ચાખ્યો છે.