પરમાણું વિવાદ યથાવત: ઉત્તર કોરિયા મુદ્દે ચીને અમેરિકાને આપ્યો દગો

ઉત્તર કોરિયા મુદ્દે ચીને અમેરિકાને મોટો ફટકો આપ્યો છે. ઉત્તર કોરિયા સાથે પરમાણું વિવાદ ઉકેલવા મુદ્દે ચીને અમેરિકાને નિરાશ કરી દીધું છે.

ચીને કહ્યું છે કે ઉત્તર કોરિયા સાથે પરમાણું વિવાદ ઉકેલવાના જુના પ્રસ્તાવને રજુ કરી દીધો છે. ચીને ઈચ્છે કે આ વિવાદના ઉકેલ પૂર્વે અમેરિકા આ વિસ્તારમાં સૈન્ય અભ્યાસ બંધ કરે ત્યાર બાદ જ ઉત્તર કોરિયા તેના પરમાણું હથિયારોને ફ્રીઝ કરશે.

મહત્વનું છે કે આ પૂર્વે ચીને ડયૂલ ટ્રેક એટલે કે દ્વીપક્ષીય વાટાઘાટોની ભલામણ કરી હતી. એટલે સુધી કે ડોનાલ્ડ ટ્રમ્પે એવી જાહેરાત કરી હતી કે ઉત્તર કોરિયા મુદ્દે ચીન તેની નીતિ છોડવા તૈયાર છે.

જોકે ટ્રમ્પની આ જાહેરાત બાદ જ પેઇચિંગે ફેરવી તોળવ્યું છે. ચીનના વિદેશમંત્રાલયે જણાવ્યું છે કે ઉત્તર કોરિયાના પરમાણું કાર્યક્રમને લઈને ચીનનું વલણ સ્થિર અને સ્પષ્ટ છે. ચીને સ્પષ્ટ કહી દીધું છે કે આ વિવાદને ઉકેલવા માટે ચીન તેની સેનાનો ઉપયોગ નહીં કરે. 

ઉલ્લેખનીય છે કે છેલ્લા કેટલાક સમયથી ઉત્તર કોરીયા સતત પરમાણું બોંબનું ટેસ્ટીંગ કરી રહ્યુ છે. અને કિંમ જોંગ પણ અમેરિકા અને અન્ય રાષ્ટ્રોની વાતોને ધ્યાને લીધા વગર સતત પોતાનું ધાર્યુ કરી રહ્યો છે.

અમેરિકા અને ઉત્તર કોરિયા વચ્ચે ચાલી રહેલ વિવાદ દિવસેને દિવસે વણસતો જાય છે ત્યારે ચીને અચાનક ફેરવી તોળતા અમેરિકા વિશામણમાં મુકાઇ ગયુ હતું.